مۇعالىمدەردى اتتەستاتتاۋ، پورتفوليو جيناۋ ماسەلەسى قايتا قارالادى.
بۇل تۋرالى وقۋ-اعارتۋ ءمينيسترى عاني بەيسەنبايەۆ ايتتى، دەپ حابارلايدى Almaty-akshamy.kz.
«بيىلدان باستاپ مۇعالىمدەر ءبىرىنشى كەزەكتە ءوزىنىڭ ساناتىن دالەلدەۋ ءۇشىن ەشقانداي پورتفوليو جيناۋمەن اينالىسپايتىن بولادى. ويتكەنى بۇل دا - جەمقورلىققا يتەرمەلەيتىن دۇنيەلەر. انانىڭ تۋىستارى بارىپ جالعان سەرتيفيكات الىپ الادى ەكەن، مىنانىڭ تۋىستارى بارىپ وردەن، مەدال بارىپ الادى ەكەن. ءسويتىپ، اقشا تولەپ ولاردى جينايدى. ال ول ەشكىمگە كەرەك ەمەس. نەگىزى اتتەستاسيا - ءمۇعالىمنىڭ جەتىستىگى ەمەس، ءمۇعالىمنىڭ تابىسى وقۋشىنىڭ جەتىستىگى ارقىلى باعالانۋى كەرەك. ەكىنشىدەن، ءمۇعالىم قالاي سەريتيفيكات الامىن دەمەي، وقۋشىنىڭ بىلىمىمەن اينالىسۋى كەرەك. ال مينيسترلىك وقۋشىسى جەتىستىككە جەتكەن مۇعالىمدەردى سىرتتاي باقىلاۋ ارقىلى اۆتوماتتى تۇردە ونىڭ كاتەگورياسىن ءوزىمىز اكەپ بەرۋىمىز كەرەك»، - دەدى وقۋ-اعارتۋ ءمينيسترى عاني بەيسەنبايەۆ.
بۇعان دەيىن تالدىقورعاندا سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى جانە وقۋ-اعارتۋ ءمينيسترىنىڭ قاتىسۋمەن جيىن ءوتىپ جاتقانىن حابارلاعان بولاتىنبىز. وعان اعارتۋ سالاسىنىڭ بارلىق ماماندارى قاتىستى.