قازاقستان رەسپۋبليكاسىنىڭ دەنساۋلىق ساقتاۋ ءمينيسترى اقمارال ءالنازاروۆا مەن جاپونيانىڭ قر-داعى توتەنشە جانە وكىلەتتى ەلشىسى ييدزيما ياسۋساما اباي وبلىسىندا مەديسينالىق ينفراقۇرىلىمدى دامىتۋعا 1،087 ملرد يەن (7 ملن اقش دوللارى) مولشەرىندە جاپون گرانتىن بەرۋ تۋرالى ۇكىمەتارالىق كەلىسىمدى ءىس جۇزىندە ىسكە اسىرۋ ماقساتىندا قۇجاتقا قول قويدى.
گرانتتىق كومەك «سەمەي مەديسينا ۋنيۆەرسيتەتى» كەاق ۋنيۆەرسيتەتتىك گوسپيتالىنە ارنالعان جوعارى تەحنولوگيالىق مەديسينالىق جابدىقتاردى ساتىپ الۋ ءۇشىن ىسكە اسىرىلاتىن بولادى. جوبا گوسپيتالدى ماگنيتتىك-رەزونانستىق توموگرافتى (مرت)، كومپيۋتەرلىك توموگرافتى (كت)، ەندوسكوپيالىق، رەانيماسيالىق جانە وزگە دە جوعارى تەحنولوگيالىق جابدىقتى قوسا العاندا، زاماناۋي دياگنوستيكالىق جانە ەمدەۋ جۇيەلەرىمەن جاراقتاندىرۋدى كوزدەيدى. بۇل وڭىرلىك دەڭگەيدە، ونىڭ ىشىندە يادرولىق سىناقتاردىڭ سالدارىنان زارداپ شەككەن پاسيەنتتەرگە ارنايى الەۋمەتتىك جانە گۋمانيتارلىق ماڭىزى بار مامانداندىرىلعان جانە جوعارى تەحنولوگيالىق مەديسينالىق كومەك كورسەتۋ مۇمكىندىكتەرىن ەداۋىر كەڭەيتۋگە مۇمكىندىك بەرەدى. بۇل گرانتتى ىسكە اسىرۋ دەنساۋلىق ساقتاۋ سالاسىنداعى تۇراقتى قازاقستان-جاپون ىنتىماقتاستىعىنىڭ ءبىر بولىگى بولدى. جاپونيا دەنساۋلىق ساقتاۋ جۇيەسىن نىعايتۋعا، بازالىق مەديسينالىق كومەكتىڭ قولجەتىمدىلىگىن ارتتىرۋعا جانە وڭىرلىك تەڭسىزدىكتەردى قىسقارتۋعا باعىتتالعان «ءشوپ تامىرى» ادام قاۋىپسىزدىگىن قامتاماسىز ەتۋ جونىندەگى وتەۋسىز كومەك باعدارلاماسى شەڭبەرىندە قازاقستانعا قوسىمشا قولداۋ كورسەتەدى. سونىمەن قاتار، مەديسينالىق ءبىلىم بەرۋ جانە كادرلار دايارلاۋ سالاسىنداعى ىنتىماقتاستىق بەلسەندى دامىپ كەلەدى. ءوزارا ءىس-قيمىل JICA جانە Young Leaders' باعدارلامالارى ارقىلى جۇزەگە اسىرىلادى. سەمەي مەديسينا ۋنيۆەرسيتەتى جاپونيانىڭ جەتەكشى ۋنيۆەرسيتەتتەرىمەن، سونىڭ ىشىندە Nagasaki University، Hiroshima University، Oita University، Shimane University جانە Kochi University-ىمەن ارىپتەستىك جاسادى. ىنتىماقتاستىق اكادەميالىق ۇتقىرلىقتى، كلينيكالىق تاعىلىمدامانى، بىرلەسكەن عىلىمي زەرتتەۋلەردى جانە وقىتۋشىلارمەن الماسۋدى قامتيدى. قازاقستاننىڭ فارماسيەۆتيكالىق جانە مەديسينالىق نارىقتارىندا بۇگىندە دارىلىك زاتتاردىڭ 27 اتاۋى جانە جاپون ءوندىرىسىنىڭ 445 مەديسينالىق بۇيىمدارى تىركەلگەن، بۇل جاپون تەحنولوگيالارىنا دەگەن سەنىمنىڭ جوعارى دەڭگەيىن جانە جاپون كومپانيالارىنىڭ ەلدە تۇراقتى بولۋىن كورسەتەدى. بۇعان دەيىن «ءشوپ تامىرى» ادام قاۋىپسىزدىگىن قامتاماسىز ەتۋ بويىنشا وتەۋسىز كومەك باعدارلاماسى شەڭبەرىندە جاپونيا جامبىل وبلىستىق قان ورتالىعىنا 6 68،790 اقش دوللارى كولەمىندە گرانت بولگەنىن ايتا كەتكەن ءجون. بۇل اقشاعا قان ترومبوسيتتەرىن ساقتاۋعا ارنالعان 5 اپپارات ساتىپ الىندى. بۇعان دەيىن جاپونيا ۇكىمەتى بولگەن گرانتتارعا سەمەي قالاسىنداعى جەدەل جاردەم اۋرۋحاناسىنا مەديسينا قىزمەتكەرلەرىن شاقىرتۋ جۇيەسى ساتىپ الىندى، اكادەميك ن. باتپەنوۆ اتىنداعى ۇلتتىق تراۆماتولوگيا جانە ورتوپەديا عىلىمي ورتالىعىندا كومپيۋتەرلىك توموگرافيا كابينەتى جانە باسقالار اشىلدى. كلينيكالىق زەرتتەۋلەردى، جابدىققا سەرۆيستىك قىزمەت كورسەتۋدى، JICA ءبىلىم بەرۋ باعدارلامالارىن جانە جاساندى ينتەللەكت نەگىزىندە تەلەمەديسينالىق شەشىمدەردى بىرىكتىرە الاتىن Japan-Kazakhstan Medical Hub قۇرۋ جوباسى قاراستىرىلۋدا. ق ر دەنساۋلىق ساقتاۋ مينيسترلىگى جاپونيا ۇكىمەتىنە كورسەتكەن قولداۋى، دەنساۋلىق ساقتاۋ سالاسىنداعى ەكىجاقتى ىنتىماقتاستىقتى دايەكتى دامىتقانى جانە ەل حالقىنا مەديسينالىق كومەك جۇيەسىن نىعايتۋعا قوسقان ۇلەسى ءۇشىن شىن جۇرەكتەن العىسىن بىلدىرەدى. قازاقستان مەديسينالىق تۋريزم جانە وڭالتۋ، ترانسپلانتولوگيا جانە اعزا دونورلىعى، دەنساۋلىق ساقتاۋدى سيفرلاندىرۋ، جاساندى ينتەللەكت جانە تەلەمەديسينا، جاپوندىق ۇلگىدەگى جوعارى تەحنولوگيالىق مەديسينالىق كلينيكالار قۇرۋ سياقتى پەرسپەكتيۆالىق باعىتتار بويىنشا جاپونيامەن دەنساۋلىق ساقتاۋ سالاسىنداعى ىنتىماقتاستىقتى كەڭەيتۋگە اشىق.