اۋا-رايىنىڭ ناشارلاۋىنا، بورانعا، كوكتايعاققا، قاتتى جەلگە جانە نولدىك كورىنۋگە بايلانىستى تجم 242 ادامدى، ونىڭ ىشىندە 8 بالانى قۇتقارىپ، ەۆاكۋاسيالادى، سونداي-اق 19 اۆتوماشينانى قار قۇرساۋىنان شىعاردى.
اۋا-رايىنىڭ ناشارلاۋى تۋرالى داۋىلدى ەسكەرتۋلەر مەن اۆتوجولداردىڭ جابىلۋى تۋرالى حابارلامالار سمس-حابارلامالار، تجم، اۋماقتىق بولىمشەلەردىڭ ينتەرنەت-رەسۋرستارى جانە الەۋمەتتىك جەلىلەرى ارقىلى حالىققا جەتكىزىلدى. اۆاريالىق-قۇتقارۋ جانە ىزدەستىرۋ-قۇتقارۋ جۇمىستارىن جۇرگىزۋگە قۇتقارۋشىلار مەن پوليسيا قىزمەتكەرلەرى قاتىستى.
قۇتقارۋ جۇمىستارىن ەرەكشە اتاپ وتكەن ءجون:
اباي وبلىسىندا قار قۇرساۋىندا قالعان اۆتوكولىكتەن 2 ادام قۇتقارىلدى.
جارما اۋدانىندا قالباتاۋ اۋىلىنان 15 شاقىرىم جەردە تجم كۇشتەرى قار قۇرساۋىندا قالعان جەڭىل اۆتوكولىكتەن ەكى ادامدى قۇتقارىپ، قالباتاۋ اۋىلىنا جەتكىزدى. ولارعا مەديسينالىق كومەك قاجەت بولمادى.
اقتوبە جانە قاراعاندى وبلىستارىندا تجم قۇتقارۋشىلارى 100 استام ادامدى جىلىتۋ پۋنكتەرىنە ەۆاكۋاسيالادى.
اقتوبە وبلىسىنىڭ ايتەكە بي اۋدانىندا رەسپۋبليكالىق ماڭىزى بار اۆتوجولدا قوزعالىستىڭ شەكتەلۋىنە بايلانىستى قارابۇتاق اۋىلىنداعى بلوك-بەكەتتە 78 جولاۋشىسى بار ەكى اۆتوبۋس قالىپ قويدى. سونداي-اق قاراعاندى وبلىسىنىڭ اباي اۋدانىندا، جابىق جول ۋچاسكەسىنىڭ الدىندا ورنالاسقان توپار كەنتىندەگى بلوك-بەكەتتە 56 جولاۋشىسى بار ءبىر اۆتوبۋس توقتاپ قالدى. تجم قۇتقارۋشىلارى، پوليسيا قىزمەتكەرلەرى جانە جەرگىلىكتى اتقارۋشى ورگاننىڭ قىزمەتكەرلەرىمەن بىرگە اۆتوبۋستاردان 100 استام ادامدى جاقىن جەردەگى جىلىتۋ پۋنكتتەرىنە ورنالاستىردى. ولارعا مەديسينالىق كومەك قاجەت بولعان جوق.
جەتىسۋ وبلىسىندا قار قۇرساۋىنان 30 ادام قۇتقارىلدى.
الاكول اۋدانىندا «ءۇشارال-دوستىق» اۆتوجولىنىڭ 112 شاقىرىمىندا تجم قۇتقارۋشىلارى قار قۇرساۋىندا قالعان ادامدارعا كومەككە كەلدى. ءۇش جەڭىل كولىكتە 8 ەرەسەك ادام بولعان. ولاردىڭ بارلىعى قۇتقارىلىپ، كوكتۇما ستانسياسىنا جەتكىزىلدى. ولاردىڭ ەشقايسىسىنا مەديسينالىق كومەك قاجەت بولعان جوق.
الاكول اۋدانىندا «ءۇشارال-دوستىق» اۆتوجولىنا قاتارلاسا ورنالاسقان اۋىلىشىلىك جولدا كوكتۇما ستانسياسىنان 25 شاقىرىم قاشىقتىقتا اۆاريالىق-قۇتقارۋ جۇمىستارى جۇرگىزىلدى. قار قۇرساۋىندا ءتورت جەڭىل اۆتوكولىك قالدى، ولاردىڭ ىشىندە جەتى ادام بولعان. تجم قۇتقارۋشىلارى ازاماتتاردى ەۆاكۋاسيالاپ، كوكتۇما ستانسياسىنا جەتكىزدى. ولارعا مەديسينالىق كومەك قاجەت بولعان جوق.
الاكول اۋدانىندا ءۇشارال–دوستىق اۆتوجولىندا كوكتۇما ستانسياسىنان 20 شاقىرىم جەردە قار قۇرساۋىندا قالعان بەس جەڭىل اۆتوكولىكتەن ادامداردى ەۆاكۋاسيالاۋ اۆاريالىق-قۇتقارۋ جۇمىستارى جۇرگىزىلدى. تجم قۇتقارۋشىلارىنىڭ كۇشىمەن 15 ادام قۇتقارىلدى. بارلىعى كوكتۇما ستانسياسىنا جەتكىزىلدى. ولارعا مەديسينالىق كومەك قاجەت ەمەس ەدى.
اقتوبە وبلىسىندا تجم قىزمەتكەرلەرى 60-قا جۋىق جولاۋشىنى ەۆاكۋاسيالادى.
ايتەكە بي اۋدانىندا قارابۇتاق اۋىلىنان 15 شاقىرىم جەردە «ماسكەۋ-شىمكەنت» باعىتىنداعى رەيستىك اۆتوبۋسپەن جۇك كولىگى سوقتىعىستى. ءورت بولعان جوق. تجم قۇتقارۋشىلارى ۆاحتالىق ءاۆتوموبيلدىڭ كومەگىمەن 59 جولاۋشىنى جاقىن ماڭداعى «ماياك» كەمپينگىنە ەۆاكۋاسيالادى. ولاردىڭ اراسىندا قازاقستان، وزبەكستان جانە قىرعىزستان ازاماتتارى بار. زارداپ شەككەندەر جوق.
الماتى وبلىسىنىڭ تاۋلارىندا تجم قۇتقارۋشىلارى ءتۋريستى تاپتى.
تۇندە الماتى وبلىسى قاراساي اۋدانىنىڭ تاۋلى ايماعىندا بيىكتىگى 4400 مەتر بولاتىن «جاس گۆارديا» شىڭى ماڭىندا ىزدەستىرۋ-قۇتقارۋ جۇمىستارى جۇرگىزىلدى. تۇسكەن اقپاراتقا سايكەس 1998 جىلى تۋعان جىگىت 27 جەلتوقسان كۇنى شامامەن ساعات 19-00-دە «جاس گۆارديا» شىڭىنا شىعۋ ءۇشىن جولعا شىعىپ، سول ۋاقىتتا سوڭعى رەت بايلانىسقا شىققان. كەيىننەن ونىڭ ۇيالى تەلەفونى ءوشىپ قالعان. ىزدەستىرۋ جۇمىستارىن جۇرگىزۋ ءۇشىن تجم كۇشتەرى مەن قۇرالدارى جۇمىلدىرىلدى. قۇتقارۋ قىزمەتىنىڭ قىزمەتكەرلەرى جوعالعان ازاماتتى «سوۆەتوۆ شىڭى» ماڭىنان تاۋىپ، ونى «ۇلكەن الماتى كولى» باقىلاۋ-قۇتقارۋ پۋنكتىنە دەيىن ءتۇسىردى. ول مەديسينالىق كومەككە مۇقتاج بولعان جوق.
باتىس قازاقستان وبلىسىندا تجم قۇتقارۋشىلارى مۇز استىنا ءتۇسىپ كەتكەن جۇك كولىگىن شىعاردى.
112 پۋلتىنە وكتيابرسكوە اۋىلىندا شاعان وزەننەن ءوتۋ كەزىندە جۇك كولىگى مۇز استىنا ءتۇسىپ كەتكەنى تۋرالى حابارلاما كەلىپ ءتۇستى. جۇرگىزۋشى دەر كەزىندە كولىكتەن شىعىپ ۇلگەردى. وقيعا ورنىنا تجم كۇشتەرى جەدەل جەتتى. سۇڭگۋىرلەر توبى ارقاندى بەكىتىپ، جۇك كولىگىن سۋدان شىعاردى. زارداپ شەككەندەر جوق.
قوستاناي وبلىسىندا تجم قىزمەتكەرلەرى ەر ادامدى قار قۇرساۋىنان قۇتقاردى.
سەليننوە اۋىلىنان 2 شاقىرىم قاشىقتىقتا ورنالاسقان اۋىلىشىلىك جولدا قار قۇرساۋىندا جەڭىل اۆتوكولىك تۇرىپ قالدى. كولىكتىڭ ىشىندە شەتەل ازاماتى بولعان. وقيعا ورنىنا تجم كۇشتەرى جىبەرىلدى. قۇتقارۋشىلاردىڭ جەدەل ءارى ۇيلەسىمدى ارەكەتتەرىنىڭ ارقاسىندا كولىك قار قۇرساۋىنان ءساتتى شىعارىلدى. جۇرگىزۋشىگە مەديسينالىق كومەك قاجەت بولعان جوق.
قاراعاندى وبلىسىندا تجم قۇتقارۋشىلارى بۇزىلىپ قالعان اۆتوبۋستىڭ جولاۋشىلارىن ەۆاكۋاسيالادى.
112 پۋلتىنە «استانا – قاراعاندى – الماتى» اۆتوجولىنىڭ 180-شاقىرىمىندا تەمىرتاۋ قالاسى ماڭىندا جولاۋشىلار اۆتوبۋسىنىڭ سىنىپ قالعانى جانە قۇتقارۋشىلاردىڭ كومەگى قاجەت ەكەنى تۋرالى حابارلاما ءتۇستى. وقيعا ورنىنا تجم كۇشتەرى مەن قۇرالدارى جەدەل تۇردە جىبەرىلدى. اۆتوبۋستان 32 ادام، ونىڭ ىشىندە 4 بالا ەۆاكۋاسيالانىپ، جىلىتۋ پۋنكتىنە جەتكىزىلدى. جولاۋشىلاردىڭ اراسىندا جۇڭگو رەسپۋبليكاسىنىڭ 2 ازاماتى جانە وزبەكستان رەسپۋبليكاسىنىڭ 2 ازاماتى بولعان. ەۆاكۋاسيالانعان ازاماتتارعا مەديسينالىق كومەك قاجەت بولعان جوق.
تجد كۇشىمەن وتىمدىلىگى جوعارى تەحنيكاسىندا اۆتوجولداردىڭ كۇردەلى قارلى ۋچاسكەلەرىندە ادامداردىڭ جانە كەپتەلىستە قالعان اۆتوكولىكتەردىڭ بولۋىنا پاترۋلدەۋ جۇرگىزىلدى. قۇتقارۋشىلار حالىققا كومەك كورسەتىپ، اۆتوجولداردا قاۋىپسىزدىكتى قامتاماسىز ەتە وتىرىپ، تاۋلىك بويى جۇمىس ىستەۋدى جالعاستىرۋدا.
قازاقستان تجم ازاماتتاردى ساقتىق شارالارىن ساقتاۋعا، داۋىلدى ەسكەرتۋلەردى قاداعالاۋعا جانە قولايسىز اۋا رايى جاعدايىندا الىس ساپارلارعا شىقپاۋعا شاقىرادى. اۋىل تۇرعىندارىنا اۋا-رايىنىڭ ناشارلاۋى جاعدايىندا ۇزاق سەرۋەندەۋدەن باس تارتۋ ۇسىنىلادى.