تجد باسپا ءسوز قىزمەتىنىڭ مالىمەتىنشە، 11 جەلتوقساندا ساعات 03:03-تە بولىمشە پۋلتىنە ناۋرىزباي اۋدانى، تاۋسامالى شاعىن اۋدانى، ءسادۋاقاس ۇلى كوشەسى، 125 ءۇي مەكەنجايىنان شىققان ءورت تۋرالى حابارلاما تۇسكەن.
اعا ينجەنەر، كەزەكشى اۋىسىمنىڭ باسشىسى، ازاماتتىق قورعاۋ كاپيتانى ج. اكەتاي ءوتىنىش بەرۋشىمەن بايلانىسىپ، جەكە تۇرعىن ءۇيدىڭ جانىپ جاتقانى تۋرالى اقپارات الدى. ءورت ورنىنا كەلگەننەن كەيىن ءورت ءسوندىرۋ باسشىسى ۇيدە ادامداردىڭ بولۋىنا بارلاۋ جۇرگىزۋ، سونداي-اق ءورتتى سوندىرۋگە وقپانداردى بەرە وتىرىپ، ورتكە قارسى ىس-ارەكەتتى ورىستەتۋ تۋرالى بۇيرىق بەردى.
بارلاۋ جۇرگىزۋ بارىسىندا بولىمشە كومانديرى ش. تايپوۆ، اعا ءورت ءسوندىرۋشى ج. مامىت ادامداردى تاپتى، ولار شوك كۇيىندە بولعان.
كەزەكشى اۋىسىمنىڭ ناقتى جانە ۇيلەسىمدى ارەكەتتەرىنىڭ ارقاسىندا وتباسى مۇشەلەرىنىڭ ولىمىنە جانە جاراقاتتانۋىنا جول بەرىلمەدى. ەر ادام، ايەل، جىگىت پەن ەكى قىز قۇتقارىلدى. ءورت 03:24-تە وقشاۋلاندى، 3:40-تا تولىعىمەن جويىلدى، – دەلىنگەن تجد حابارلاماسىندا.
سونىمەن قاتار، ۇيلەسىمدى جەدەل ءىس-قيمىلداردىڭ ارقاسىندا تۇرعىن ءۇيدىڭ بولمەلەرىنە وتتىڭ تارالۋىنا جول بەرىلمەدى جانە ءسوندىرۋ جۇمىستارى كەزىندە سۋ توگىلۋىنەن تۋىندايتىن ماتەريالدىق شىعىن بارىنشا ازايتىلدى.