مەدەۋ اۋدانىنىڭ اكىمدىگى ورتالىقسىزداندىرۋ اياسىندا 2023 جىلى 68 مىڭ م2 جولداردى اعىمداعى جوندەۋدى اياقتادى 75 كوشە جوندەلدى، - دەپ حابارلايدى اlmaty-akshamy.kz
قالالىق موبيلدىلىك باسقارماسىنىڭ جەلىسى بويىنشا ۇزىندىعى 22،15 كم بولاتىن 26 كوشەگە ورتاشا جوندەۋ جۇمىستارى جۇرگىزىلدى دەدى مەدەۋ اۋدانىنىڭ اكىمى ەركەبۇلان ورازالين الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە.
سونداي-اق، ول ۇزىندىعى 23،6 كم 31 كوشەدە ارىقتاردى قايتا جاڭارتۋ جانە سالۋ جۇرگىزىلىپ جاتقانىن اتاپ ءوتتى.ونىڭ ايتۋىنشا، بۇگىنگى تاڭدا 18 كوشەدە 6 كم جاڭا ارىق جەلىلەرى سالىندى. بايقوڭىر، ءشارىپوۆ، تاتتىبەكوۆ، قالعان 10 كوشە بويىنشا ۇزىندىعى 1،2 كم، ۇزىندىعى 16،4 كم بولاتىن 3 كوشەدە قۇرىلىس-مونتاجداۋ جۇمىستارى اياقتالۋدا، جۇمىستار 2024 جىلدىڭ 4 - توقسانىندا اياقتالادى، بۇل اعىندى سۋلاردى ەداۋىر جاقسارتۋعا جانە سۋ تاسقىنىن جويۋعا مۇمكىندىك بەرەدى.
«سونىمەن قاتار، ۇزىندىعى 24،5 كم 29 كوشەدە تروتۋارلاردى اباتتاندىرۋ جۇمىستارى اياقتالدى، اۋداننىڭ 15 كوشەسىنىڭ بويىندا ىرگەلەس اۋماقتاردى اباتتاندىرۋمەن 7،3 كم تەحنيكالىق تروتۋارلار سالىندى. قوعامدىق كولىكتىڭ جىلجىمالى قۇرامىن جاڭارتۋ جالعاسۋدا. ماسەلەن، بۇگىندە 218 اۆتوبۋستىڭ جىلجىمالى سوستاۆى جاڭارتىلدى، ولار مىنا اۆتوبۋستار - №8،13،17،29 ر، 37، 38، 65، 69، 117، 119، 131، 207 جانە 225. جىل سوڭىنا دەيىن تاعى 10 مارشرۋتتا 249 اۆتوبۋس جڭارتىلادى (№79، 63، 50، 45، 32، 12، 92، 118، 120، 121) جانە 30 تاۋ اۆتوبۋستارى»، - دەدى مەدەۋ اۋدانىنىڭ اكىمى.
اكىمنىڭ ايتۋىنشا، 1 قاراشادا «الماتى قالا جارىق» مكك-مەن ۇزىندىعى 649،8 كم اۋداننىڭ 29 920 جارىق نۇكتەلەرىنە قىزمەت كورسەتۋگە جانە سىرتقى جارىقتاندىرۋ جەلىلەرىن جوندەۋگە شارت جاسالدى.بۇگىنگى تاڭدا ۇزىندىعى 1 كم 1027 شام مەن سسپ جوندەۋ جۇمىستارى ورىندالدى، 160 كابەل جەلىسىنىڭ ءۇزىل،66 جەردە كابەلدىك تۇيىقتالۋ جويىلدى. بۇل باعىتتاعى جۇمىس جالعاسۋدا.