ءورت ورنىنان 25 ليترلىك ەكى گاز باللونى مەن 5 ليترلىك ەكى گاز باللونى شىعارىلدى، دەپ حابارلايدى almaty-akshamy.kz
قالالىق توتەنشە جاعدايلار دەپارتامەنتىنىڭ مالىمەتىنشە، ءورت سوندىرۋشىلەر 18 قازان كۇنى ساعات 14:47 كەزىندە المالى اۋدانىنداعى قوجامقۇلوۆ كوشەسى، 259 مەكەنجايىنداعى ءورتتى سوندىرۋگە شىقتى.
وقيعا ورنىنا جەتكەندە، جالپى اۋدانى 40 شارشى مەتردى قۇرايتىن شارۋاشىلىق قۇرىلىستىڭ جانىپ جاتقانى انىقتالدى. ءورتتىڭ جەكە تۇرعىن ۇيلەرگە تارالۋ ءقاۋپى تۋىندادى. 25 ليترلىك گاز باللونداردىڭ بىرىنەن گاز شىققان سوڭ، ونى ءورت سوندىرۋشىلەر ءقاۋىپسىز قاشىقتىققا شىعارىپ ۇلگەردى.
جامبىل كوشەسىنىڭ قاۋىپسىزدىگىن قامتاماسىز ەتۋ ءۇشىن پوليسيا قىزمەتكەرلەرى كوشەنى قورشاۋعا الدى.
قابىلدانعان شارالاردىڭ ناتيجەسىندە ءورت 8 مينۋتتا، ساعات 15:10-دا ءوشىرىلدى. 15:27-دە تولىعىمەن جويىلدى.
ءورت ءسوندىرۋ جۇمىسىنا 10 تەحنيكا، جەكە قۇرامنان 35 ادام جۇمىلدىرىلدى. سوڭعى دەرەك بويىنشا قىزىل جالىن 100 شارشى مەتردى شارپىعان.