فەدەراسيانىڭ ماقساتى – الماتىنى الەمدىك شاحمات ورتالىقتارىنىڭ بىرىنە اينالدىرۋ.
جانسايا ابدىمالىك جاڭادان قۇرىلعان الماتى شاحمات فەدەراسياسىنىڭ پرەزيدەنتى بولدى، دەپ حابارلايدى Almaty-akshamy.kz
جاڭا ۇيىم الماتى قالاسىنىڭ شاحماتشىلار وداعىنان كەرى قايتارىپ الىنعاننان كەيىن اككرەديتاسياعا يە بولدى جانە مەگاپوليستە شاحمات مادەنيەتىن دامىتاتىن بولادى.
فەدەراسيا مەن ونىڭ پرەزيدەنتىنىڭ ماقساتى – الماتىنى الەمدىك شاحمات ورتالىقتارىنىڭ بىرىنە اينالدىرۋ جانە ەلىمىزدىڭ باسقا شاحمات فەدەراسيالارى ءۇشىن ۇلگى كورسەتۋ. فەدەراسيانىڭ پرەزيدەنتى قازاقستاندىق شاحماتشى، حالىقارالىق گروسسمەيستەر جانسايا ابدىمالىك بولدى.
«فەدەراسيانىڭ 2024 جىلعا دەيىنگى جوسپارىندا – ءتورت نەگىزگى باعىتتى دامىتۋ: قالا تۇرعىندارى اراسىندا بۇقارالىق سپورت، مەكتەپتەگى ءبىلىم بەرۋدەگى شاحمات، جوعارى جەتىستىكتەر سپورتى، سونداي-اق ارداگەرلەردى قولداۋ»، – دەپ اتاپ ءوتتى جانسايا ابدىمالىك.
جوسپارعا سايكەس، الماتى مەكتەپتەرىندە شاحمات ساباقتارىنا ارنالعان كابينەتتەر جابدىقتالادى، مۇعالىمدەر مەن وقۋشىلارعا ارنالعان ارنايى وقىتۋ باعدارلامالارى، ادىستەمەلىك قۇرالدار ازىرلەنەدى، سونداي-اق مەكتەپ ليگاسىنا قاتىسۋ ءۇشىن كوماندالار قۇرىلادى. مۇنداي تاجىريبە ۇلىبريتانيادا، اقش-تا، تۇركيادا بۇرىننان قولدانىلىپ كەلەدى.