الماتىدا جانقوش تۇراروۆتىڭ ادۆوكاتى سامات مامۇتوۆ باسپا ءسوز ءماسلحاتىن وتكىزدى. باسپا ءسوز ءماسليحاتىندا سامات مامۇتوۆ ءانارۋ قۇرمانالىگە قارسى پوليسياعا ارىز بەرگەنىن مالىمدەدى، دەپ حابارلايدى aqshamnews.kz
ادۆوكاتتىڭ ايتۋىنشا، ينتەرنەت جەلىسىندە ءانارۋ قۇرمانالىگە قاتىستى تارالىپ جاتقان بەينەماتەريالدار بويىنشا پوليسيا باسقارماسىنا تەكسەرۋ جۇرگىزۋ تۋرالى ارىز بەرىلگەن. ارىزدانۋشى ادامداردىڭ ۇستىنەن ونىڭ زورلانعانى تۋرالى ارىز جازىپ، اقشا العانى جونىندەگى دەرەكتەر بويىنشا تەكسەرۋ جۇمىستارى جۇرگىزىلۋدە. بۇل دەرەكتەر ناقتى دالەلدەنگەن جاعدايدا رەسمي ورگاندار جاۋاپ بەرەدى.
سونىمەن قاتار، سامات مامۇتوۆ ينتەرنەتتە تارالىپ جاتقان بەينەماتەريالدار مەن وزگە دە اقپاراتتارعا سايكەس، ءانارۋ ءقۇرمانالىنىڭ 2024 جىلدىڭ 19 تامىزىندا شامامەن ساعات 22:00-دە ماس كۇيىندە اۋەزوۆ اۋداندىق پوليسيا باسقارماسىنا كەلىپ، جانقوش تۇراروۆقا ارىز بەرگەنىن ايتتى. سول جەردە ول باسقا ادامدارمەن جانجالداسىپ، توبەلەسىپ، جارتىلاي جالاڭاشتانىپ، ءوزىن بەيمارال ۇستاعانى تۋرالى مالىمەت بار. بۇل دەرەكتەردى تەكسەرۋ ءۇشىن پوليسياعا سۇرانىس جىبەرىلگەن، سونداي-اق، پوليسيا اۋماعىنداعى بەينەباقىلاۋ كامەرالارىنان جازبالار الىنعان.
ادۆوكات مامۇتوۆتىڭ ايتۋىنشا، بۇل دەرەكتەر راستالسا، ءانارۋ قۇرمانالىگە قاتىستى سوت-پسيحولوگيالىق جانە ناركولوگيالىق ساراپتاما جۇرگىزۋگە ءوتىنىش جاسالادى. سونىمەن قاتار، وعان قاتىستى پسيحوتروپتى زاتتاردى قولدانۋ تۋرالى اقپارات ءتۇسىپ جاتقانىن دا اتاپ ءوتتى.