اڭگىمەلەسۋ بارىسىندا تاراپتار قازاقستان-رەسەي ىنتىماقتاستىعىنىڭ قازىرگى جاي-كۇيى مەن پەرسپەكتيۆالارىن تالقىلادى.
پرەزيدەنتتەر ساۋدا-ەكونوميكا جانە ەنەرگەتيكا سالالارىندا بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردى تولىقتاي جۇزەگە اسىرۋ قاجەت ەكەنىن اتاپ ءوتتى. سونداي-اق ۆلاديمير ءپۋتيننىڭ استاناعا جوسپارلانعان مەملەكەتتىك ساپارىنا دايىندىقتىڭ ساپالى بولۋىن قامتاماسىز ەتۋگە كەلىستى، دەپ حابارلايدى aqshamnews.kz اقورداعا سىلتەمە جاساپ.
مەملەكەتتەر باسشىلارى حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى. قاسىم-جومارت توقايەۆ قازان قالاسىندا وتەتىن بريكس سامميتىنە قاتىسۋعا شاقىرعانى ءۇشىن رەسەي پرەزيدەنتىنە ريزاشىلىعىن ءبىلدىردى.