مەملەكەت باسشىسى ءۇش جىل ىشىندە اوك-تەگى وڭدەلگەن ءونىمنىڭ ۇلەسىن 70%-عا دەيىن جەتكىزۋ مىندەتىن قويدى.
وسى تاپسىرما شەڭبەرىندە وڭىرلەردە اگروونەركاسىپتىك كەشەننىڭ شيكىزاتتىق باعىتىنان ينۆەستيسيالىق جوبالاردى ىسكە اسىرۋ ارقىلى اۋىل شارۋاشىلىعى ونىمدەرىن قايتا وڭدەۋدى دامىتۋعا كوشۋ بويىنشا جۇمىستار جۇرگىزىلۋدە، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
قوستاناي وبلىسىندا 2024 جىلدىڭ قاراشا ايىندا "ميلح" ىرىمشىك ءوندىرۋ زاۋىتى پايدالانۋعا بەرىلەدى.
جوبانىڭ قۇنى 7،2 ملرد تەڭگەنى قۇرايدى، تولىق قۋاتى ىسكە قوسىلعان كەزدە كاسىپورىن تاۋلىگىنە 250 تونناعا دەيىن ءسۇت وڭدەپ، قاتتى ىرىمشىكتەردىڭ 20-دان استام ءتۇرىن وندىرەتىن بولادى. ءوندىرىس قۋاتتىلىعى جىلىنا 2 مىڭ توننا ىرىمشىكتى وڭدەۋگە مۇمكىندىك بەرەدى. 35 جاڭا جۇمىس ورنى اشىلادى.
قازىرگى ۋاقىتتا نىساندا نەگىزگى قۇرىلىس-مونتاج جۇمىستارى اياقتالدى، سەحتىڭ مەتالل قاڭقاسى ورناتىلدى، عيماراتتىڭ ەدەنىنە ستياجكا جاسالدى، ىشكى ارلەۋ جۇمىستارى جۇرگىزىلۋدە. نەمىس ءوندىرىسىنىڭ كوپتەگەن جابدىقتارى ءقازىردىڭ وزىندە اكەلىنگەن.
«ميلح» ج ش س قوستاناي وبلىسىندا 27 جىلدان استام جۇمىس ىستەيدى. نەگىزگى قىزمەت ءتۇرى-سۇتتى وڭدەۋ جانە ءسۇت ونىمدەرىن شىعارۋ. قازىرگى ۋاقىتتا كاسىپورىندا ءسۇت ونىمدەرىنىڭ 150-دەن استام ءتۇرى شىعارىلادى، ولاردىڭ ىشىندە قازاقستان مەن رەسەيدىڭ وڭىرلەرىندە ساتىلاتىن قاتتى ىرىمشىكتەر مەن بالمۇزداق تۇرىندەگى جوعارى وڭدەلگەن ونىمدەر بار.
قوستاناي وبلىسىنا سقو تاجىريبەسىن تيراجداۋ جوباسى اياسىندا 2023 جىلى قۋاتتىلىعى 400 باستان باستالاتىن ءسۇت-تاۋار فەرمالارىنىڭ قۇرىلىسىنا جەڭىلدىكپەن كرەديت بەرۋ ءۇشىن 15 ملرد تەڭگە ءبولىندى. قۇرىلىسى جوسپارلانعان 6 ستف-تىڭ بىرەۋى پايدالانۋعا بەرىلدى.