جەكسەنبى، 14 مامىردا، تاڭەرتەڭ قازاقستاندىق بوكسشى جانىبەك ءالىمحان ۇلى (13-0، 8 كو) كانادالىق ستيۆەن باتلەرمەن (32-3-1، 26 كو) جۇدىرىقتاسادى.
ءالىمحان ۇلى مەن باتلەر جەكپە-جەگى ستوكتون قالاسىندا (اقش، كاليفورنيا) وتەدى. تىكەلەي ەفير استانا ۋاقىتىمەن ساعات 07:00-دە باستالادى. قازاقستاندىق جانكۇيەرلەر جەكپە-جەكتى تىكەلەي ەفيردە "حابار" تەلەارناسىنان كورە الادى، دەپ حابارلايدى Almaty-akshamy.kz.
الداعى جەكپە-جەكتە قوس بوكسشى ءالىمحانۇلىنا تيەسىلى ورتا سالماقتاعى الەم چەمپيونى تيتۋلى ءۇشىن جۇدىرىقتاسادى.
جانىبەك سوڭعى جەكپە-جەگىن وتكەن جىلدىڭ قاراشا ايىندا وتكىزگەن: ول بريتاندىق بوكسشى دەنزەل بەنتليمەن (18-2-1، 15 كو) جۇدىرىق ءتۇيىستىرىپ، تورەشىلەردىڭ ءبىراۋىزدان قابىلداعان شەشىمىمەن جەڭىسكە جەتتى. باتلەر جەلتوقسان ايىندا امەريكالىق دجوشۋا كونليمەن (17-5-1، 11 كو) جەكپە-جەكتە جەڭىمپاز اتانعان.