WBO اندرادە - ءالىمحان ۇلى جەكپە-جەگىنىڭ پروموۋتەرلىك ساۋداسىن تاعى دا كەيىنگە شەگەردى
دۇنيەجۇزىلىك بوكس ۇيىمى (WBO) ورتا سالماقتاعى WBO چەمپيونى امەريكالىق دەمەتريۋس اندرادە (31-0، 19 كو) مەن قازاقستاندىق جانىبەك ءالىمحان ۇلى (11-0، 7 كو) اراسىنداعى جەكپە-جەكتىڭ پروموۋتەرلىك ساۋداسىنا قاتىستى جاڭا شەشىم قابىلدادى، دەپ حابارلايدى Almaty-akshamy.kz رrosports.kz-كە سىلتەمە جاساپ
«پۋەرتو-ريكوداعى COVID-19 ىندەتىنە بايلانىستى 160 فۋنت سالماقتاعى چەمپيون دەمەتريۋس اندرادە مەن مىندەتتى قارسىلاس جانىبەك ءالىمحان ۇلى اراسىندا جەكپە-جەك ۇيىمداستىرۋعا جونىندەگى ساۋدا وتەتىن ۋاقىت تاعى وزگەردى. ەندى ول جۇما كۇنى، 28 قاڭتاردا ساعات 11:00-دە WBO-دىڭ سان-حۋانداعى شتاب-پاتەرىندە وتەدى»، - دەلىنگەن ۇيىمنىڭ تۆيتتەر پاراقشاسىندا.
كەزدەسۋگە ارنالعان اۋكسيون ءاۋ باستا بۇكىلالەمدىك بوكس ۇيىمىنىڭ باس وفيسىندە 14 قاڭتاردا وتەدى دەپ جوسپارلانعان. كەيىن ەكى تاراپتىڭ ءوتىنىشى بويىنشا ءىس-شارا 20 قاڭتارعا اۋىستىرىلعان ەدى. ەندى تاعى دا كەيىنگە شەگەرىلىپ وتىر
ەسكە سالا كەتەيىك، ءالىمحان ۇلى اندرادەگە مىندەتتى قارسىلاس رەتىندە 30 قاراشادا بەكىتىلدى. وعان دەيىن ەكى بوكسشى دا نوكاۋتپەن جەڭىسكە جەتكەن بولاتىن.
اتاپ ايتقاندا، اندرادە يرلانديالىق دجەيسون كۋيگليدى ەكىنشى راۋندتا نوكاۋتقا ءتۇسىردى. ال جانىبەك ءالىمحان ۇلى 2021 جىلى ەكى جەكپە-جەك وتكىزدى. ماۋسىم ايىندا امەريكالىق بوكسشى روب برۋنتتى (26-3، 18 كو) سەگىزىنشى راۋندتا جەڭسە، قاراشادا فرانسۋز حاسسان ندام نجيكاممەن (38-6، 21 كو) جۇدىرىقتاسىپ، ونى دا سەگىزىنشى راۋندتا نوكاۋتقا جىبەردى.
The current COVID-19 situation in Puerto Rico has forced the purse bid for 160 lb. Champion Demetrius Andrade's mandatory defense against Janibek Alimkhanuly to be rescheduled once again. It will now be held Friday، January 28th at 11:00 am at the WBO main offices in San Juan.
— WBO (@WorldBoxingOrg) January 20، 2022