پرەزيدەنت كەن ورىندارىن ءتيىمدى پايدالانۋشىلارعا بەرۋ كەرەگىن ايتتى.
بۇل تۋرالى بۇگىن قاسىم-جومارت توقايەۆ ۇكىمەتكە تاپسىرما بەردى، دەپ حابارلايدى Almaty-akshamy.kz
«ۇكىمەت بارلىق كەن ورىندارىنا تەكسەرۋ جۇرگىزۋى ءتيىس. ەگەر كەن ورنى بوس تۇرسا، وندا ونى قايتارىپ الىپ، جەردى جۇمىس ىستەۋگە دايىن تۇرعاندارعا بەرۋ قاجەت»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.
مەملەكەت باسشىسىنىڭ تاپسىرماسىنا وراي، ءبىرىنشى كەزەكتە بوس تۇرعان كەن ورىندارىن انىقتاۋ قاجەت. ەگەر كەن ورنى بوسقا تۇرعان بولسا، ونىڭ ينۆەستيسيا قۇيۋعا دايىن وتاندىق نەمەسە شەتەلدىك ينۆەستورعا بەرىلەتىنىن ايتتى.