قىزۋ كەزدەسۋ بولماق
قازاقستاندىق بوكسشى بەكزاد نۇرداۋلەتوۆتىڭ (3-0، 1كو) كەلەسى قارسىلاسى انىقتالدى، دەپ حابارلايدى Almaty-akshamy.kz رrosports.kz-كە سىلتەمە جاساپ
وتانداسىمىز 5 اقپاندا اقتاۋدا وتەتىن بوكس كەشىندە شارشى الاڭعا شىعادى.
BoxRec.com سايتىنىڭ حابارلاۋىنشا، نۇرداۋلەتوۆ 23 جاستاعى گوللانديالىق بوكسشى چيكو كۋاسيمەن (5-0-1، 2 كو) كەزدەسەدى. ون راۋندقا جوسپارلانعان جەكپە-جەكتە جارتىلاي اۋىر سالماقتاعى ۆاكانتتى «جاستار اراسىنداعى» WBO بەلبەۋى ساراپقا سالىنادى.
ايتا كەتەيىك، بەكزاد بۇعان دەيىنگى كەزدەسۋىن 6 قاراشادا وتكىزدى. وندا وزبەكستاندىق فاررۋح دجۋرايەۆتى (6-5-1، 2 كو) تورەشىلەر شەشىمىمەن جەڭگەن ەدى.