كەزدەسۋ بۇگىنگە جوسپارلانعان ەدى.
بوكسشى جانىبەك ءالىمحان ۇلى جەكپە-جەك الدىندا ەسىنەن تانىپ، اۋرۋحاناعا ءتۇستى، دەپ حابارلايدى Almaty-akshamy.kz
WBO جانە IBF تۇجىرىمدارى بويىنشا ورتا سالماقتاعى الەم چەمپيونى جانىبەك ءالىمحان ۇلى مەن جاڭا زەلانديالىق اندرەي ميحايلوۆيچ اراسىنداعى جەكپە-جەك وتپەيتىن بولدى.
جانىبەك بەيسەنبى كۇنى سالماق قۋۋ كەزىندە ءوزىن ناشار سەزىنىپ، اۋرۋحاناعا تۇسكەن.
بۇل تۋرالى جانىبەك ءالىمحان ۇلى كومانداسىنىڭ مەنەدجەرى بەرىك سۇلتان ءوزىنىڭ فب پاراقشاسىندا جازدى.
"قۇرمەتتى اعايىندار! جەكپە-جەك بولمايدى دەگەن جاڭالىقتى وقىپ سىزدەردىڭ دە كوڭىل كۇيلەرىڭىز تۇسكەنىن بىلەمىز. سەبەبى جاناشىر، تىلەۋلەس ەكەندەرىڭىزدى بىلەمىز!
الەمنىڭ تۇكپىر-تۇكپىرىنەن قانشاما جانكۇيەر ونەرىمىزدى كورسەك دەپ اسىعا كۇتتى. ءبىز دە رينگتە Qazaq style-دى كورسەتۋ ءۇشىن بارىمىزدى سالىپ دايىندالدىق.
دەگەنمەن كوپ سپورتشىلار سياقتى ءبىز دە سالماق جاساۋ بارىسىندا قيىندىققا تاپ بولدىق. ءبىرىنشى رەت وسىنداي جاعدايدى باستان وتكەردىك. وڭاي ەمەس ەكەن! تۇنىمەن اۋرۋحانادا بولدىق! مۇنى دا كورۋ كەرەك بولعان شىعار! ءقازىر جانىبەكتىڭ جاعدايى ءبىرقالىپتى!
دەنساۋلىق ءبىرىنشى ورىندا! بۇيىرتسا 2-3 اي قالىپقا كەلىپ، رينگكە قايتا ورالامىز!
تىلەۋلەس جانداردىڭ بارىنە مىڭ العىس! اۋىرماڭىزدار!
قۇرمەتپەن، Qazaq style كومانداسى!" دەگەن جازبا جاريالادى بەرىك سۇلتان.