ورتا سالماقتا IBF/IBO الەم چەمپيونى گەنناديي گولوۆكين كوش باستاپ تۇر
The Ring تانىمال جۋرنالىنىڭ سايتى بارلىق سالماق دارەجەسى بويىنشا بوكسشىلاردىڭ جاڭارتىلعان رەيتينگىن جاريالادى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
Sports.kzء-تىڭ مالىمەتىنشە، ورتا سالماقتا IBF/IBO الەم چەمپيونى گەنناديي گولوۆكين كوش باستاپ تۇر، ودان كەيىن باسقا تيتۋل يەگەرلەرى دجەرمالل چارلو (WBC) مەن دەمەتريۋس اندرادە (WBO) تۇر.
وتكەن ايدا بۇرىنعى الەم چەمپيونى حاسسان ندام نجيكامانى نوكاۋتپەن جەڭگەن قازاقستاندىق جانىبەك ءالىمحان ۇلى جەتىنشى ورىننان التىنشىعا كوتەرىلدى.
The Ring تۇجىرىمى بويىنشا ورتا سالماق رەيتينگى مىناداي (جاقشانىڭ ىشىندە بۇعان دەيىنگى ورىندارى كورسەتىلگەن):
1 (1). گەنناديي گولوۆكين (قازاقستان)
2 (2). دجەرمالل چارلو (اقش)
3 (3). دەمەتريۋس اندرادە (اقش)
4 (5). حايمە مۋنگيا (مەكسيكا)
5 (6). ريوتا مۋراتا (جاپونيا)
6 (7). جانىبەك ءالىمحان ۇلى (قازاقستان)
7 (8). كىشى كريس يۋبەنك (ۇلىبريتانيا)
8 (-). كارلوس ادامەس (دومينيكان رەسپۋبليكاسى)
9 (4). سەرگەي دەريەۆيانچەنكو (ۋكراينا)
10 (9). ليام ۋيليامس (ۇلىبريتانيا).
ەسكە سالايىق، دۇنيەجۇزىلىك بوكس ۇيىمى WBO امەريكالىق چەمپيون دەمەتريۋس اندرادەنى ءوز بەلبەۋىن قورعاۋ ءۇشىن قازاقستاندىق بوكسشى جانىبەك الىمحانۇلىمەن ايقاس وتكىزۋگە مىندەتتەدى.