تۋدىڭ كولەمى 3×6 مەتر
تۋتۇعىر اۋدان ورتالىعى شونجى اۋىلىنا ورناتىلىپ، سالتاناتتى اشىلۋ ءراسىمى ءوتتى، دەپ حابارلايدى Almaty-akshamy.kz.
شارانىڭ شىمىلدىعى گيمن شىرقاۋىمەن اشىلىپ، كوك بايراعىمىز ءوز بيىگىنە كوتەرىلدى.
تۋتۇعىردىڭ بيىكتىگى 30 مەتر، تۋدىڭ كولەمى 3×6 مەتر.
كوكپەن تالاسا بوي كوتەرىپ، كوش جەردەن كوز تارتىپ، اۋىل كوركىنە كورىك قوسىپ، كوركەم تابيعاتپەن جاراسىپ تۇرعان كوكبايراعىمىز اۋدان تۇرعىندارىنا تاۋەلسىزدىك كۇنىنە تارتۋ بولدى.
«بۇگىن مىنە، تاۋەلسىزدىكتىڭ 30 جىلدىعى قارساڭىندا اۋدانىمىزدىڭ ءار بەرەتىن ايشىقتى نىساندار قاتارى ايبىندى تۋ تۇعىر الاڭىمەن تولىقتى. كوك بايراعىمىز كوكپەن ۇشتاستى. تۋ ءبىز ءۇشىن – قاستەرلى اترەبۋت، قانىمىزدا قايناعان نامىس، رۋحتى كوتەرەتىن قۇدىرەت. اتامەكەنىمىزدىڭ تورىنە الىپ تۋ تىگۋ – ءبىز ءۇشىن اسقان ابىروي، زور مارتەبە. ءوڭىرىمىزدىڭ ايبىنىن اشقان بايراعىمىز اۋدان كوركىن ودان ءارى اسقاقتاتا تۇسەرىنە سەنەمىن» - دەپ اتاپ ءوتتى اۋدان اكىمى ش.نۋراحۋنوۆ.