جانداربەك بەكشين: قالادا «بريتاندىق» شتاممدى جۇقتىرۋ كورسەتكىشى جوعارى

«الماتىدا بەس شتامم بويىنشا ءقازىردىڭ وزىندە 31 زەرتتەۋ جۇرگىزىلىپ جاتىر»،- دەدى باس سانيتار بۇگىن.

جانداربەك بەكشين ونلاين بريفينگ بارىسىندا مەگاپوليستە كوروناۆيرۋستىڭ 5 ءتۇرلى شتامىنا زەرتتەۋ جۇرگىزىلىپ جاتقانىن ايتتى، دەپ حابارلايدى Almaty-akshamy.kz.

ونىڭ ايتۋىنشا، قالادا سوVID-19 شتامدارىن انىقتاۋدىڭ جاڭا جەدەل پتر-سكرينينگ ادىستەمەسى ەنگىزىلدى. «ەلىمىزدە شتامداردى باقىلاۋ جۇيەسى بار، ءبىز ولارعا مونيتورينگ جۇرگىزەمىز. ناۋرىز ايىنىڭ سوڭىندا الماتىدا كوروناۆيرۋستىڭ «بريتاندىق» شتامم اينالىمىنىڭ 77%-ى انىقتالدى، مامىر ايىنىڭ سوڭىندا بۇل كورسەتكىش 84%-عا دەيىن ءوستى. وسى اپتادا ءبىز «بريتاندىق»، «ءۇندى»، «برازيليالىق»، «دانيالىق» جانە «ۆەتنامدىق» شتاممدار بويىنشا جۇمىس ىستەي باستادىق»، – دەيدى جانداربەك بەكشين. 

الماتىنىڭ باس سانيتار دارىگەرىنىڭ سوزىنشە، بۇل شتامدار اسا جۇقپالى ءارى وتە اۋىر تۇردە بولادى. قالادا «بريتاندىق» شتاممدى جۇقتىرۋ كورسەتكىشى جوعارى، قالا تۇرعىندارى «ۋحان» شتامىنا قاراعاندا وسى شتامدى ەكى ەسە ءجيى جۇقتىرادى. «الماتىدا بەس شتامم بويىنشا ءقازىردىڭ وزىندە 31 زەرتتەۋ جۇرگىزىلىپ جاتىر»،- دەدى ول.