بۇل بيىلعى قاڭتار-مامىر ايلارى ارالىعىنداعى مالىمەت.
جىلدىڭ باسىنان بەرى 725 مىڭعا جۋىق ادام ءماسق-تان تولەم الدى، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
اعىمداعى جىلدىڭ قاڭتار-مامىر ايلارىندا مىندەتتى الەۋمەتتىك ساقتاندىرۋ جۇيەسىنە قاتىسۋشىلار سانى 5،7 ملن ادامدى قۇرادى، تۇسكەن الەۋمەتتىك اۋدارىمدار مەن ءوسىمپۇلدار سوماسى 126،5 ملرد تەڭگەنى قۇرادى. وسى كەزەڭدە شامامەن 725 مىڭ ادام مەملەكەتتىك الەۋمەتتىك ساقتاندىرۋ قورىنان (بۇدان ءارى – ءماسق) جالپى سوماسى 131،8 ملرد تەڭگەگە الەۋمەتتىك تولەمدەر العان.
وسى كەزەڭگە دەيىن ءماسق-تان مىناداي تولەمدەر جۇزەگە اسىرىلدى:
- بالا ءبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەمدى 60،7 ملرد تەڭگە سوماسىنا 430 862 ادام الدى، بۇل وتكەن جىلدىڭ سايكەس كەزەڭىمەن سالىستىرعاندا 59% - عا ارتىق؛
- جۇكتىلىككە جانە بوسانۋعا، جاڭا تۋعان بالانى اسىراپ الۋعا بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەمدى 45،1 ملرد تەڭگە سوماسىنا 92 739 ادام الدى، بۇل وتكەن جىلدىڭ سايكەس كەزەڭىمەن سالىستىرعاندا 36%-عا ارتىق؛
- 64 440 ادام 7،8 ملرد تەڭگە سوماسىنا جۇمىسىنان ايىرىلۋ جاعدايىنا الەۋمەتتىك تولەم الدى، بۇل وتكەن جىلدىڭ سايكەس كەزەڭىمەن سالىستىرعاندا 2 ەسەگە ارتىق؛
- اسىراۋشىسىنان ايىرىلعان جاعدايدا بەرىلەتىن الەۋمەتتىك تولەمدى 51 749 ادام 7،2 ملرد تەڭگە سوماسىنا الدى، بۇل وتكەن جىلدىڭ سايكەس كەزەڭىمەن سالىستىرعاندا 21%-عا ارتىق؛
- ەڭبەك ەتۋ قابىلەتىنەن ايىرىلعان جاعدايدا 85 343 ادام 11،1 ملرد تەڭگە سوماسىنا الەۋمەتتىك تولەم الدى، بۇل وتكەن جىلدىڭ ۇقساس كەزەڭىمەن سالىستىرعاندا 11%-عا ارتىق.