جانداربەك بەكشين: الماتىدا ماۋسىم ايىندا كوروناۆيرۋس ەكى ەسە ازايدى

قالانىڭ باس سانيتارى ەپيدەميولوگيالىق جاعدايدىڭ تۇراقتانا باستاعان كەزىندە تۇرعىنداردىڭ ۆاكسينالانۋى ماڭىزدى ەكەنىن اتاپ ءوتتى.

بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ مەملەكەتتىك باس سانيتارلىق دارىگەرى جانداربەك بەكشين مالىمدەدى، دەپ حابارلايدى Almaty-akshamy.kz.  

جانداربەك بەكشين ىندەتتىڭ ءالى سەيىلمەگەنىن، وتكەن تاۋلىكتە مەگاپوليستە كۆي جۇقتىرۋدىڭ 112 جاڭا جاعدايى تىركەلگەنىن ايتتى.

باس سانيتار ەپيدەميولوگيالىق جاعدايدىڭ تۇراقتانا باستاعان كەزىندە تۇرعىنداردىڭ ۆاكسينالانۋى ماڭىزدى ەكەنىن اتاپ ءوتتى. سونداي-اق سانيتارلىق شارالاردى ساقتاۋ قاجەتتىگىن ەسكە سالدى.

«الماتى 12 ماۋسىمنان باستاپ «جاسىل» ايماقتا تۇر. ايدىڭ باسىنان بەرى كوروناۆيرۋس اۋرۋى 2 ەسە ازايدى. سوڭعى تاۋلىكتە كۆي-دىڭ 112 جاعدايى تىركەلدى، ال تاۋلىكتىك ءوسىم 0،1%-عا تومەندەدى»، - دەدى جانداربەك بەكشين.

الماتى قالاسىندا ەپيدەميا باستالعالى كۆي-دىڭ 71 820 جاعدايى، ال وسى جىلدىڭ باسىندا 53 مىڭنان استام جاعداي تىركەلگەنىن ايتتى.

«حالىقتىڭ 100 مىڭىنا شاققاندا اۋرۋ دەڭگەيىنىڭ تومەندەۋ ديناميكاسى تۇراقتى، سوڭعى 7 كۇندە 64،7-دەن 39،8-گە دەيىن ازايدى، رەپرودۋكتيۆتى سان 0،79 دەڭگەيىندە تۇراقتاندى، بۇل «جاسىل ايماق» پارامەترلەرىنە ساي»، - دەپ ءتۇسىندىردى الماتى قالاسىنىڭ باس سانيتارلىق دارىگەرى.

جانداربەك بەكشين 19 ماۋسىمنان باستاپ كۇشىنە ەنەتىن الماتى قالاسىنىڭ مەملەكەتتىك باس سانيتارلىق دارىگەرىنىڭ جاڭا قاۋلىسىنىڭ دايىن ەكەنىن ايتتى. جاڭا قۇجاتقا سايكەس، بيزنەس ءۇشىن ءبىرقاتار جەڭىلدىكتەر بەلگىلەنگەن.