قازاقستاندا «لوكوموتيۆ قۇراستىرۋ زاۋىتى» اق - ەڭ ءىرى زاۋىتتاردىڭ ءبىرى
ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ «لوكوموتيۆ قۇراستىرۋ زاۋىتى» اق باسشىلىعىمەن كوشپەلى كەزدەسۋ وتكىزدى.
زاۋىت جەتەكشىلىگى ييدم باسشىسىن كاسىپورىننىڭ نەگىزگى وندىرىستىك سەحتارىنىڭ جۇمىسىمەن تانىستىردى، دەپ حابارلادى Almaty-akshamy.kz. ق ر يندۋستريا جانە ينفراقۇرىلىمدىق دامۋ مينيسترلىگىنىڭ تاراتقان حابارىنا سىلتەمە جاساي وتىرىپ.
ايتا كەتەيىك، مۇندا تارتقىش جىلجىمالى قۇرامنىڭ جىلىنا 100 بىرلىگى شىعارىلادى.
General Electric Transportation كومپانياسىنىڭ ليسەنزياسى مەن تەحنولوگياسى بويىنشا جۇك، جولاۋشىلار جانە مانيەۆرلىك تەپلوۆوزدار ءوندىرىسى 2010 جىلدان باستالعان بولاتىن.
بۇگىنگى كۇنى زاۋىتتا جۇك (تە33اس)، جولاۋشىلار (تەپ33ا) جانە مانيەۆرلىك (تەم11ا) تەپلوۆوزدارى شىعارىلادى.
وتاندىق ءونىمنىڭ نەگىزگى ارتىقشىلىقتارىنا كەلەر بولساق، قىزمەت ەتۋ مەرزىمى مەن جوندەۋ ارالىق كەزەڭىنىڭ ۇزاقتىعى، ورناتىلعان وزىندىك دياگنوستيكالاۋ جۇيەسى جانە بوس جۇرىستەگى ديزەل وتىنىنىڭ از شىعىنى بولىپ تابىلادى.
كاسىپورىن ىسكە قوسىلعان ساتتەن باستاپ 416 تەپلوۆوز وندىرىلگەن. ونىڭ 35ء-ى تاجىكستانعا، ءازىربايجانعا، تۇركىمەنستانعا، ۋكرايناعا، قىرعىزستان مەن مولدوۆاعا ەكسپورتقا شىعارىلدى.
كەزدەسۋ بارىسىندا «لوكوموتيۆ قۇراستىرۋ زاۋىتى» اق پرەزيدەنتى مارات تىلەۋبايەۆ بارلىق لوكوموتيۆتەردىڭ تەحنيكالىق سيپاتتامالار مەن قاۋىپسىزدىككە سايكەستىگىن تەكسەرۋ مەن سىناۋدىڭ تولىق سيكلىنان ءوتىپ جاتقانىن اتاپ ءوتتى. ءوندىرىس وشاعىندا 570-تەن استام جۇمىس ورنى اشىلعان.
جالپى، 2010 جىلدان باستاپ 11 مىڭنان استام توراپ پەن بولشەك وقشاۋلاندىرىلدى. بۇل قۇرامداس بولىكتەردىڭ جەرگىلىكتى قامتۋدىڭ 74% -دان استام دەڭگەيىنە جەتۋگە مۇمكىندىك بەردى.
بەيبىت اتامقۇلوۆ كاسىپورىننىڭ ەكسپورتتىق الەۋەتىن دامىتۋعا باسا نازار اۋدارۋ قاجەتتىلىگىن العا تارتتى.
انىقتامالىق:
كاسىپورىن تە33اس سەريالى قۋاتتىلىعى 3356 كۆت بولاتىن، تەحنيكالىق جاعىنان الدىڭعى قاتارلى جانە ۇنەمدى، ءبىر سەكسيالى ماگيسترالدىق جۇك تەپلوۆوزىن شىعارادى. ونىڭ ەڭ جوعارعى جىلدامدىعى ساعاتىنا 120 شاقىرىم.
تەپ33ا سەريالى ءبىر سەكسيالى ماگيسترالدى جولاۋشىلار تەپلوۆوزىنىڭ قۋاتى 3356 كۆت. ول تەحنيكالىق جاعىنان الدىڭعى قاتارلى جانە ۇنەمدى تەپلوۆوز. ەڭ جوعارعى جىلدامدىعى ساعاتىنا 160 شاقىرىم.