جاڭبىر، بۇرشاق، اپتاپ ىستىق

"قازگيدرومەت" رمك 9 ماۋسىم قازاقستان اۋماعى بويىنشا اۋا رايىنىڭ جالپى بولجامىمەن ءبولىستى، دەپ حابارلايدى almaty-akshamy.kz.

"ق ر اۋماعىنىڭ باسىم بولىگىندە اۋا رايىنىڭ تۇراقسىز سيپاتى ساقتالادى: نايزاعاي ويناپ، جاڭبىر جاۋادى، ەلىمىزدىڭ سولتۇستىگىندە قاتتى جاڭبىر جاۋىپ، بۇرشاق تۇسەدى، قاتتى جەل تۇرادى دەپ كۇتىلەدى. رەسپۋبليكا بويىنشا ورتاق تابيعي قۇبىلىس - تۇماننىڭ بولۋى، جەلدىڭ ەكپىن الۋى"، - دەپ جازدى "قازگيدرومەت" رمك حابارلاماسىندا.

كۇندىز الماتى، قىزىلوردا، جەتىسۋ وبلىستارىندا كۇن قاتتى ىسيدى، اتىراۋ، جامبىل، ۇلىتاۋ وبلىستارى، اباي ءوڭىرىنىڭ باتىسىندا، تۇركىستان وبلىسىنىڭ شولەيتتى اۋداندارىندا قاتتى ىستىق بولادى دەپ كۇتىلەدى. 

ماڭعىستاۋ، تۇركىستان، جامبىل، الماتى وبلىستارىندا، ۇلىتاۋ ءوڭىرىنىڭ باتىسىندا، وڭتۇستىگىندە، ورتالىعىندا، قىزىلوردا وبلىسىنىڭ سولتۇستىگىندە، وڭتۇستىك-شىعىسىندا، باتىسىندا، باتىس قازاقستان وبلىسىنىڭ وڭتۇستىگىندە، اقتوبە ءوڭىرىنىڭ باتىسىندا، سولتۇستىگىندە، سولتۇستىك-شىعىسىندا، وڭتۇستىگىندە، جەتىسۋ وبلىسىنىڭ ورتالىعىندا، قوستاناي، قاراعاندى جانە اباي وبلىستارىنىڭ وڭتۇستىگىندە ءورت ءقاۋپى جوعارى بولادى.

اتىراۋ وبلىسىندا، تۇركىستان وبلىسىنىڭ سولتۇستىك، باتىس، شولەيتتى اۋداندار بولىگىندە، باتىس قازاقستان وبلىسىنىڭ باتىسىندا، وڭتۇستىگىندە، سولتۇستىك-شىعىسىندا، قىزىلوردا وبلىسىنىڭ ورتالىعىندا، سولتۇستىگىندە، شىعىسىندا، ماڭعىستاۋ ءوڭىرىنىڭ ورتالىعىندا، اقتوبە وبلىسىنىڭ وڭتۇستىگىندە توتەنشە ءورت ءقاۋپى كۇتىلەدى.