پارلامەنت سەناتىنىڭ ءتوراعاسى ماۋلەن اشىمبايەۆ الماتىداعى Astana Motors كومپانياسىنىڭ زاۆودىندا بولىپ وتاندىق اۆتوموبيل ونەركاسىبىنىڭ دامۋ پەرسپەكتيۆالارىن تالقىلادى، دەپ حابارلايدى اlmaty-akshamy.kz.
دەپۋتاتتار كاسىپورىننىڭ جاڭادان سالىنىپ جاتقان بلوگىن ارالاپ، جۇمىسشىلارمەن جۇزدەستى. زاۆود 2020 جىلدىڭ قازان ايىندا ىسكە قوسىلعان. ءقازىر ول Hyundai كولىگىنىڭ 11 مودەلىن شىعارادى. ونىڭ ەكەۋى تولىق سيكل بويىنشا وندىرىلەدى. زاۆودتاعى بارلىق وپەراسيا وڭتۇستىك كورەيالىق كورپوراسيا بەكىتكەن ستاندارتتار مەن تەحنولوگيالار بويىنشا جاسالادى. Hyundai Trans Kazakhstan جىلىنا 50 مىڭ اۆتوموبيل شىعارادى. كاسىپورىندا 1300 ادام جۇمىس ىستەيدى. قازىرگى ۋاقىتتا كومپانيا اۆتوكومپونەتتەر جاسايتىن بىرنەشە زاۆود سالىپ جاتىر. سەنات سپيكەرى مەملەكەت وتاندىق اۆتوموبيل ءوندىرىسىن دامىتۋعا مۇددەلى ەكەنىن ايتتى. اسىرەسە قازاقستان اۋماعىندا تولىق سيكلدى ءوندىرىستى قالىپتاستىرۋعا باسىمدىق بەرۋ قاجەت.