بۇگىنگى كۇنى جاساندى ينتەللەكت (جي) تەحنولوگيالارى قوعامنىڭ بارلىق سالاسىنا ەنىپ كەلەدى. ءبىلىم بەرۋ جۇيەسىندە، سونىڭ ىشىندە مەكتەپكە دەيىنگى ۇيىمداردا (بالاباقشالاردا) جي ەلەمەنتتەرىن قولدانۋ – بالالاردىڭ ەرتە جاسىنان سيفرلىق ساۋاتتىلىعىن ارتتىرۋ مەن جەكە قابىلەتىن دامىتۋعا ۇلكەن مۇمكىندىك بەرەدى. جي ەلەمەنتتەرى – بۇل ادامنىڭ ويلاۋ، تالداۋ، ۇيرەنۋ قابىلەتتەرىن ەلىكتەيتىن باعدارلامالار نەمەسە قۇرىلعىلار. مەكتەپكە دەيىنگى دەڭگەيدە جي تولىق جۇيە رەتىندە ەمەس، قاراپايىم ەلەمەنتتەرى تۇرىندە قولدانىلادى. جالپى، مەكتەپكە دەيىنگى ءبىلىم بەرۋ ۇيىمدارىندا جاساندى ينتەللەكت (جي) ەلەمەنتتەرىن قولدانۋ» قازىرگى زاماندا وزەكتى ماسەلە ەكەنى انىق. سوندىقتان اتالمىش بالاباقشاداعى وقۋ قىزمەتىندە جي قۇرالدارىن قولدانۋدىڭ ءادىس تاسىلدەرىن كورسەتتى.
- مەكتەپكە دەيىنگى ءبىلىم بەرۋ ۇيىمدارىندا جي ەلەمەنتتەرىن پايدالانۋ ارقىلى وقۋ-تاربيە پروسەسىن ءتيىمدى ۇيىمداستىرۋ، بالالاردىڭ تانىمدىق جانە شىعارماشىلىق قابىلەتتەرىن دامىتۋعا بولادى. وتكىزىلىپ وتىرعان شارانىڭ ماقساتى-پەداگوگتارعا ادىستەمەلىك كومەك بەرىپ، سيفرلىق مادەنيەتتى قالىپتاستىرۋ. پەداگوگتاردىڭ شىعارماشىلىق الەۋمەتىن ارتتىرۋ جاڭا تەحنولوگيالاردى قولدانۋداعى بەلسەندىلىگىن دامىتا وتىرىپ، ينتەراكتيۆتى تاپسىرمالار، ەرتەگىلەر مەن كورنەكىلىكتەر جاساۋ ارقىلى تاجىريبيە الماسۋ الاڭىن ۇيىمداستىرۋ، -دەيدى №15 بوبەكجاي-بالاباقشا مەڭگەرۋشىسى قۇرالاي ۇيقاسوۆا.
مەكتەپكە دەيىنگى ۇيىمداردا جي ەلەمەنتتەرىن ەنگىزۋ – بالانىڭ بولاشاق سيفرلىق قوعامعا بەيىمدەلۋىنە جول اشادى. جيىن بارىسىندا سەمينارعا قاتىسۋشىلار جي تەحنولوگيالارىنىڭ تۇرلەرىن تانىستىرىپ، بالالاردىڭ جاس ەرەكشەلىكتەرىنە ساي قولدانۋ جولدارىن كورسەتتى. ماسەلەن، ينتەراكتيۆتى ويىندار — بالانىڭ جاۋاپتارىنا قاراي بەيىمدەلەتىن وقۋ ويىندارى بولسا، ولارعا دىبىستىق كومەكشىلەر رەتىندە (Google Assistant، Alexa، Alice) قۇرىلعىلارىن، سۋرەت پەن ءپىشىندى تانۋ باعدارلامالارىن، ياعني، بالانىڭ سالعان سۋرەتىن تالدايتىن قوسىمشالاردى پايدالانىپ، تانىمدىق سۇراقتارعا جاۋاپ بەرەدى. بالاباقشا ادىسكەرى باعدات نۇرجەكەيەۆا، تاربيەشىلەر اسەم مايكەنوۆا، ايشا نۇرتايەۆا، پسيحولوگ ا. شايمۇحانوۆا جيىننىڭ ماعىنالى دا، ماڭىزدى وتۋىنە ەرەكشە ۇلەس قوستى.
ەڭ باستىسى – جي مەن ادامنىڭ ءوزارا ارەكەتىن ۇيلەسىمدى ەتۋ، ياعني تەحنولوگيانى قۇرال رەتىندە دۇرىس پايدالانۋ.