جانارىڭ وشپەسىن!

ول ءۇشىن قاساڭ قابىقتى ترانسپلانتاسيالاۋدى قاجەت ەتەتىن ءارتۇرلى كوز اۋرۋلارىمەن اۋىراتىن 12 ناۋقاس ىرىكتەلىپ الىنعان بولاتىن. بۇگىنگە دەيىن 9 ادامعا وسىنداي وپەراسيا جاسالدى، دەپ حابارلايدى Almaty-akshamy.kz

وعان قاجەت دونورلىق تىندەر اقش-تان جەتكىزىلدى. ولار الدىن الا ينفەكسيانىڭ بار-جوقتىعىنا تەكسەرىلىپ،  ارنايى تالاپتارعا ساي جەتىكىزىلگەن. بۇگىن 3 ادامعا وسىنداي كۇردەلى وتا جاساۋ جوسپارلانعان. 

ترانسپلانتاسيانى مايىتتەن كوزدىڭ قاساڭ قابىعىن  اۋىستىرىپ سالۋ ءادىسى  2015 جىلعا دەيىن ەلىمىزدە كەلىسىم پرەزۋمپسياسىمەن جاسالاتىن. ول كەزدە بۇل وتانى بىردەن جاساماسا، تىندەر جارامسىز بولاپ قالاتىن. سەبەبى بۇل  ءتىن  وتە سەزىمتال جانە ترانسپلانتاسيا  جاساۋدىڭ جالپى تاجىريبەسىندە مايىتتەن،  ياعني  قايتىس  بولعان  كەزىندە بىردەن اۋىستىرىلاتىن. ال ءقازىر امەريكالىقتار بۇل  تىندەردى مايىتتەن العاننان كەيىن كوزدىڭ قاساڭ قابىعىن 14 كۇنگە دەيىن ساقتاۋعا مۇمكىندىك بەرەتىن ارنايى رەاگەنتتەردىڭ پاتەنتىنە يە بولعان. بۇل جەردەگى تاعى  ءبىر جاڭاشىلدىق - كوزدىڭ قاساڭ قابىعىنىڭ ءبىر  بولىگىنىڭ،  ياعني ميكروسكاپيالىق  قاباتى  عانا  ترانسپلانتاسيالانادى. ەكى-ۇش كۇننەن بەرى جاسالىپ جاتقان وتالار كوزدىڭ قاساڭ قاباعىعىنىڭ كونسەرۆاسياسىنىڭ جاڭا  تەحنولوگياسىن پايدالانا وتىرىپ، العاش رەت جۇرگىزىلۋدە.

بۇل ەڭ كۇردەلى وپەراسيالاردىڭ ءبىرى بولعاننان كەيىن، بۇعان دەيىن نەگىزىنەن شەتەلدە جاسالاتىن. ترانسپلانتاسيا ءارتۇرلى اۋرۋلاردان كەيىن كەراتوكونۋس، بەلما جانە قابىقتىڭ بۇلىڭعىرلانۋى، قابىقتىڭ زاقىمدانۋى، جاراقاتقا بايلانىستى تىرتىقتار، ءارتۇرلى حيرۋرگيالىق ارالاسۋلاردان كەيىنگى اسقىنۋلار ناتيجەسىندە قابىقتىڭ ءىسىنۋى سياقتى اۋرۋلاردا قاجەت. 

ماماندار  سوڭعى تەحنولوگيا بويىنشا 2 جىلدا 304 وپەراسيا جاساۋدى جوسپارلاپ وتىر.

«كاتاراكتا سياقتى بۇرىن جاسالعان وپەراسيالاردان كەيىن زاقىم كەلگەن قاساڭ قابىق تىندەرىن ترانسپلانتاسيالاۋ وپەراسيالارىن ءبىرىنشى رەت جاسادىق. تومەنگى جول-ناۋقاستىڭ قابىعى تولىعىمەن جويىلمايدى، تەك زاقىمدالعان قابىق تىندەرى الىنىپ تاستالادى جانە اۋىستىرىلادى»، - دەيدى د. اسفەندياروۆ اتىنداعى قازۇمۋ وفتالمولوگيالىق ورتالىعىنىڭ ديرەكتورى، ق ر دسم باس شتاتتان تىس وفتالمولوگى، مەديسينا عىلىمدارىنىڭ دوكتورى، پروفەسسور مارات سۇلەيمەنوۆ.

مامانداردىڭ ايتۋىنشا، ءمايىت دونورلىعىنىڭ دامىماۋى وسىنداي وپەراسيالاردىڭ جۇرگىزىلمەۋىنە بايلانىستى. سوندىقتان دونورلىق قاساڭ قابىقتاردى اقش-تان "قازاقستان حالقىنا" قوعامدىق قورىنىڭ كومەگىمەن قامتاماسىز ەتۋ تۋرالى شەشىم قابىلداندى. پاسيەنتتەر ءۇشىن بارلىق وپەراسيالار تەگىن جاسالادى.

قازىرگى ۋاقىتتا 304 ادامعا ءمۇيىزدى قابىقتى ترانسپلانتاسيالاۋ قاجەت: وتپەلى كەراتوپلاستيكا – 221 ادام، ونىڭ ىشىندە 107 بالا (48،4%)؛ ارتقى قاباتتى كەراتوپلاستيكا – 83 ادام. 

«قازاقستاندا دونورلىق ماتەريالدىڭ بولماۋى اعزالار مەن تىندەردى ترانسپلانتاسيالاۋدى قاجەت ەتەتىن پاسيەنتتەر ءۇشىن كۇردەلى ماسەلە. سوندىقتان، باسقا ەلدىڭ دونورلىق تىندەرىنىڭ ارنايى بانكىنەن الىنعان كونسەرۆىلەنگەن دونورلىق ماتەريالدى قولدانۋ بۇگىنگى كۇنى ماسەلەنىڭ جالعىز شەشىمى بولىپ تابىلادى. بۇل وپەراسيالار ەرەكشە، ويتكەنى ولار قاساڭ قابىقتى تولىعىمەن وزگەرتپەۋگە مۇمكىندىك بەرەدى، اتاپ ايتقاندا كەز-كەلگەن اۋرۋ كەزىندە زاقىمدالعان قاباتتى وزگەرتۋگە مۇمكىندىك بەرەدى. قازاقستاندا مۇنداي وپەراسيالاردى ەنگىزۋ كورۋ قابىلەتى ناشار ادامداردىڭ سانىن ازايتۋعا ايتارلىقتاي كومەكتەسەدى. «قازاقستان حالقىنا» قورى ەكى جىل ىشىندە 304 قاساڭ قابىقتى دايىنداۋعا جانە اكەلۋگە 373 ميلليون تەڭگە باعىتتايدى»، - دەپ ءتۇسىندىردى «قازاقستان حالقىنا» قق باسقارما ءتوراعاسى بولات جامىشيەۆ.

وپەراسيادان كەيىن ناۋقاستاردى وڭالتۋ بىرنەشە ساعاتتى الادى. ترانسپلانتاسيادان كەيىنگى كۇنى پاسيەنتتەر كورە الادى.