ءقازىر اربات قالا جاستارى باس قوساتىن جەرگە اينالدى.
قالا باسشىسىنىڭ ايتۋىنشا، بۇل ماڭداعى ءتارتىپ قولعا الىناتىن بولادى، دەپ حابارلايدى Almaty-akshamy.kz
اكىمنىڭ بۇگىنگى المالى اۋدانىنىڭ حالقىمەن كەزدەسۋىنە كەلگەن تۇرعىن مىناداي شاعىم جاسادى:
«مەن ابىلاي حان داڭعىلىنداعى 59 ءۇيدىڭ تۇرعىنىمىن، بۇل قالانىڭ ەپيسەنترى، اربات جاياۋ جۇرگىنشىلەر ايماعىنىڭ جانىندا، ءبىزدىڭ ءىنجۋ-مارجانىمىز. كەشكە ول جەردەن كوپ شۋ ەستىلەدى. بۇل جىبەك جولى 103 مەكەنجايدا تۇراتىن ءبىزدىڭ ءۇيدىڭ تۇرعىندارىنا قاتتى كەرى اسەر ەتەدى. ءبىز ءتۇرلى شارالار قابىلداۋعا، 102-گە حابارلاسۋعا جانە قوڭىراۋ شالۋعا، پاترۋلدەردى شاقىرۋعا ءماجبۇرمىز. بۇل دا ەشتەڭە ەمەس، تاعى ءبىر پروبلەما پايدا بولدى – ەندى موپەديستەر ارباتقا جينالا باستادى. ولار كەشكى جانە تۇنگى ۋاقىتتا ءجيى كەزدەسەدى. ءبىز ءپاترۋلدى شاقىرعان كەزدە موپەديستەر تەز كەتىپ قالادى. بۇل ولار ءۇشىن باتىل ويىنعا اينالادى، ويتكەنى ولار قايتىپ ورالادى، سيگنال بەرىپ، وزدەرىن كورسەتە باستايدى، جول بويىندا قاتارعا تۇرادى. بۇل دەگەنىڭىز بارىپ تۇرعان باسسىزدىق قوي. ولاردىڭ نومىرلەرى جوق، قاداعالاپ، جازالاۋ مۇمكىن ەمەس. ءبىزدىڭ بارلىق ەسكەرتپەلەردى ەلەڭ قىلمايدى، جۇگەنسىزدىك تانىتادى».
تۇرعىننىڭ شاعىمىنا قاتىستى الماتى قالاسىنىڭ اكىمى ەربولات دوسايەۆ بىلاي دەدى:
«شىن مانىندە، ءبىز موپەدتەر مەن ەلەكتر سكۋتەرلەرى كولىك قۇرالدارى دەپ تانىپ، نومىرلەرى بولۋعا مىندەتتەيتىن زاڭعا شەشىم مەن تولىقتىرۋلاردىڭ ەنگىزىلۋىن اسىعا كۇتەمىز، سودان كەيىن پوليسيا دەپارتامەنتى مەن اكىمشىلىك پوليسيا باسقارماسى قاجەتتى شارالاردى قابىلداي الادى. ولار جينالعان جەرلەردە قوسىمشا كامەرالار ورناتىلۋى كەرەك. تاجىريبە كورسەتكەندەي، بۇل ادامداردى تارتىپكە كەلتىرەدى. ءبىز الماتى اكىمدىگىنىڭ اتىنان ەلەكتر سكۋتەرلەرىنەن باسقا، موپەدتەردى 50 تەكشەدەن از كولىكپەن تانۋ تۋرالى ۇسىنىس ەنگىزدىك. ولارعا ايىپپۇل سالۋ مۇمكىن ەمەس، ويتكەنى ولاردىڭ زاڭدى مارتەبەسى جوق. جۇمىستى جالعاستىرامىز، ال اربات بويىنشا – سيفرلاندىرۋ باسقارماسىمەن بۇكىل جاياۋ جۇرگىنشىلەر ايماعىندا كامەرالار ورناتامىز. اۋلالاردا، ەگەر شلاگباۋمدار ورناتۋعا بولاتىن بولسا، اۋدان اكىمىنە، پوليسيا دەپارتامەنتىنە وسى ۇسىنىستى قولداۋدى تاپسىرامىن. زاڭنامالىق رەتتەۋدىڭ ارقاسىندا ءتارتىپ قولعا الىناتىن بولادى»
«بارلىعى قاراۋدا، سكۋتەرلەر بويىنشا ماجىلىستە شەشىم قابىلداندى، موپەدتەر بويىنشا – قاراۋ ساتىسىندا. ارباتقا كەلەتىن بولساق، ءبىز شارا قولدانامىز، ءپاترۋلدى كۇشەيتەمىز»، دەدى ءوز كەزەگىندە الماتى قالاسى پوليسيا دەپارتامەنتى باستىعىنىڭ ءبىرىنشى ورىنباسارى نۇرلان الماسبەكوۆ.