الماتىداعى فتيزيوپۋلمونولوگيا ورتالىعىنىڭ ديرەكتورى جانار ساپييەۆا وڭىرلىك كوممۋنيكاسيالار قىزمەتىنىڭ بريفينگىندە ورتالىقتاعى كوۆيدتىك ستاسيوناردىڭ جۇمىسى تۋرالى جانە كوروناۆيرۋستىڭ «دەلتا» شتامىنىڭ جاڭا كلينيكالىق كورىنىستەرى تۋرالى ناقتىلى ايتتى.
ج. ساپييەۆانىڭ ايتۋىنشا، فتيزيوپۋلمونولوگيالىق ورتالىق 2020 جىلى قالا اكىمدىگىنىڭ نۇسقاۋىمەن كوروناۆيرۋس ينفەكسياسىمەن سىرقاتتانعان پاسيەنتتەرگە ستاسيونارلىق كومەك كورسەتۋگە دايىندالعان. ورتالىقتا بارلىق قاجەتتى مەديسينالىق جابدىقتار بار، ستاسيونارلىق كومەك كورسەتۋ ءۇشىن 280 توسەك-ورىن ورنالاستىرىلعان. ورتالىق سونىمەن قاتار «حالىق ارەنا» سپورت كەشەنىنىڭ «ءۇشىنشى ەشەلونى» رەتىندە جۇمىس ىستەيدى. ول قايتا بەيىمدەلىپ، دەرتتىڭ شىرقاۋ شەگى مەن ەپيدەميولوگيالىق احۋال ورشىگەن كەزدە رەزەرۆتىك اۋرۋحانا رەتىندە پايدالانىلادى.
«فتيزيوپۋلمونولوگيا ورتالىعى قازىرگى كەزدە ءۇش نىساندا جۇمىس جاساۋدا جانە بىزگە «ءبىرىنشى ەشەلون» رەتىندە كۇن سايىن كوپتەگەن پاسيەنتتەر تۇسۋدە. سوڭعى 2 اپتا ىشىندە پاسيەنتتەر كوپ ءتۇستى جانە ولاردىڭ جاعدايلارى اۋىر بولدى»، - دەدى ورتالىق ديرەكتورى.
دارىگەر «دەلتا» شتامىنىڭ تارالۋى بارىسىندا دەرتتىڭ كلينيكالىق كورىنىسىنىڭ وزگەرگەنىن باسا ايتتى. بىرىنشىدەن، اۋرۋحاناعا تۇسەتىن پاسيەنتتەر سانى كۇرت ءوستى. بۇل شتامم دەنەدە تەز كوبەيەدى، تەز تارالادى جانە ينكۋباسيالىق كەزەڭى قىسقا بولادى. ءقازىر 7-8 كۇن. ەكىنشىدەن، تۇسكەن پاسيەنتتەر وكپەلەرى قاتتى زاقىمدانعان.
«ەگەر ءبىز بۇرىن وكپەسى 20-30 پايىز زاقىمدانعان ورتاشا اۋىرلىقتاعى ناۋقاستاردى قابىلداساق، ءقازىر ادامدار 30 پايىزدان استام زاقىمدانۋمەن تۇسۋدە»، - دەدى ج. ساپييەۆا.
دارىگەردىڭ ايتۋىنشا، العاشقى كۇندەرى بۇل اۋرۋ سۋىق تيۋگە ۇقسايدى جانە كوپتەگەن ادامدار بۇل بەلگىلەردى ەلەۋسىز قابىلدامايدى، ونىڭ ىشىندە دەنە قىزۋىنىڭ تومەندەۋى، قالتىراۋ، شامالى جوتەل، السىزدىك جانە باس اۋرۋلارى. سودان كەيىن 2-3 كۇننەن كەيىن كلينيكا شاپشاڭدايدى. سوندىقتان، ج. ساپييەۆا پاسيەنتتەرگە ولاردىڭ جاعدايىن مۇقيات باقىلاۋعا جانە ەگەر تەمپەراتۋرا كوتەرىلسە، ەمحاناعا بارۋعا، مۇمكىن، كوكىرەك قۋىسىن تەكسەرۋدەن وتكىزۋگە كەڭەس بەرەدى.
«وكپەنىڭ 30% زاقىمدانۋىمەن كەلەتىن پاسيەنتتەردە بىرنەشە كۇن ىشىندە وكپەنىڭ 60% زاقىمدالادى. سونىمەن قاتار، اۋرۋدىڭ كلينيكالىق كورىنىسىنە قۇسۋ، جۇرەك اينۋى، ديارەيا، بۋىن اۋرۋى، بۇلشىق ەت اۋرۋى جانە جوعارى قىزۋ سياقتى كورىنىستەر قوسىلدى. ءبىزدىڭ پاسيەنتتەردىڭ شامامەن 70 پايىزىنىڭ تەمپەراتۋراسى جوعارى. ولاردىڭ ارقايسىسىمەن جەكە جۇمىس ىستەۋىمىز كەرەك»، - دەدى دارىگەر.
سونىمەن قاتار، ج. ساپييەۆا كۆي «دەلتا» شتامىمەن ينفەكسيانىڭ تاعى ءبىر وتە ءقاۋىپتى كورىنىسى تۋرالى حابارلادى - قانداعى ترومبوسيتتەر سانىنىڭ ارتۋى، بۇل ترومبوزدان ءولۋ ىقتيمالدىعىن ارتتىرادى.
«نيەۆرولوگيالىق سيمپتومدار دا قوسىلادى – باس اۋرۋى، دەپرەسسيا، كەيبىر ەگدە جاستاعى ناۋقاستاردا ميداعى قان اينالىمى بۇزىلادى»، - دەدى دارىگەر.