وتكەن اپتانىڭ سوڭىندا مەملەكەت باسشىسى الماتى قالاسىنا جۇمىس ساپارىمەن كەلىپ، ءبىرقاتار الەۋمەتتىك نىسانداردى ارالاپ كورىپ، گيدروتەحنيكالىق ينفراقۇرىلىممەن تانىستى. سونان كەيىن الماتى قالاسىنىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس وتكىزدى.
مەملەكەت باسشىسى كەڭەس بارىسىندا تۇرعىن ۇي-كوممۋنالدىق شارۋاشىلىق جانە اباتتاندىرۋ، دەنساۋلىق ساقتاۋ جانە الەۋمەتتىك كومەك، ەكونوميكا جانە كاسىپكەرلىك – ءار سالادا الماتىلىقتاردىڭ جايلى تۇرۋى ءۇشىن، بيزنەستى دامىتۋ جانە قورشاعان ورتانى جاقسارتۋ ءۇشىن ءىس-شارالار جۇزەگە اسىرىلۋدا، دەپ حابارلايدى Almaty-akshamy.kz.
قۇرىلىس كەستەسى ىلگەرىلەپ كەلەدى
حالىقارالىق الماتى اۋەجايىنىڭ جاڭا تەرمينالىن الدىن الا ىسكە قوسۋدى 2024 جىلدىڭ جازىندا اياقتاۋ جوسپارلانۋدا.
جاڭا عيماراتتىڭ قۇرىلىسى حالىقارالىق تەرمينالدىڭ تىكە جولدارىنا بورت كولەمىنە بايلانىستى ءبىر ۋاقىتتا جەتى ۇشاققا دەيىن جەتكىزۋگە مۇمكىندىك بەرەدى. اۋەجايدىڭ جالپى وتكىزۋ قابىلەتى جىلىنا 14 ملن. جولاۋشىعا دەيىن ارتادى.
جولاۋشىلارعا جاعداي جاسالادى
بۇگىنگى تاڭدا اۋەجايعا كەلۋشىلەر جول تىعىنىندا تۇرىپ، ىڭعايسىزدىق جاسالۋدا. ماسەلەنى شەشۋ ءۇشىن اۋەجاي باسشىلىعى 250 ورىندىق قوسىمشا اۆتوتۇراق ورناتۋ تۋرالى شەشىم قابىلدادى. قوسىمشا اۆتوتۇراقتى پايدالانۋعا بەرۋدىڭ ءبىرىنشى كەزەڭى - بيىلعى قىركۇيەكتە 150 ورىندى اۆتوتۇراق بەرۋ جوسپارلانعان. ەكىنشى كەزەڭ – وسى جىلدىڭ قاراشا ايى 100 ورىندىق اۆتوتۇراق بەرىلەتىن بولادى.
ينتەرنەت الاياقتارى دا قولعا ءتۇستى
الماتىدا اقپاراتتىق تەحنولوگيالار، سونىڭ ىشىندە ينتەرنەت-الاياقتىق سالاسىنداعى قىلمىستاردى اشۋعا جانە الدىن الۋ تيىمدىلىگىن ارتتىرۋعا باعىتتالعان “Hi-Tech” ءىس-شاراسى اياقتالدى.
اتالعان ءىس-شارا بارىسىندا “كيبەرپول” بولىمشەسى 154 الاياقتىق جاسادى دەگەن كۇدىكپەن 21 ينتەرنەت-الاياقتى ۇستادى. الىنعان مالىمەتتەرگە سايكەس، قاسكوي ءۇشىنشى ادامدارعا تاۋارلىق نەسيەلەردى راسىمدەۋمەن اينالىسقان. كەلتىرىلگەن شىعىن كولەمى 6 ميلليون تەڭگەدەن اسادى. ول قاماۋعا الىندى.
سالا مامان سەرپىن بار
الماتىعا جىلدىڭ العاشقى توقسانىندا 450 مىڭ ساياحاتتاۋشى كەلگەن. بۇل بىلتىرعى جىلمەن سالىستىرعاندا ەكى ەسەگە دەيىن وسكەنىن كورسەتەدى. ماماندار مۇنى شاھاردىڭ تۇمسا تابيعاتىمەن، گەوگرافيالىق ورنالاسۋىمەن جانە تاۋلارعا جاقىندىعىمەن بايلانىستىرادى. دەمالۋشىلارعا قولايلى جاعداي جاسالعانىنىڭ ارقاسىندا جەرگىلىكتى بيۋدجەتكە تۇسەتىن سالىقتىق تۇسىمدەر دە ەداۋىر ارتقان. بيىل ونىڭ كولەمى بىردەن 45 پايىزعا كوبەيىپتى. جالپى ايتقاندا اعىلشىن ءتىلىن مەڭگەرىپ، كەلگەن تۋريستتەرگە جاعداي جاسالۋدا.
اۆتوكولىك ينفراقۇرىلىمى
الماتى اگلومەراسياسىن قالىپتاستىرۋ ينفراقۇرىلىمدى دامىتۋمەن ۇشتاسادى. قالا ماڭىنداعى ايماقتاردىڭ تۇرعىندارى ءۇشىن كولىكتىك قولجەتىمدىلىگىن جاقسارتۋ 2023 جىلدىڭ قىركۇيەگىندە 25 ەلدى مەكەندى جانە وبلىستىڭ 60 مىڭ تۇرعىنىن قامتيتىن 10 جاڭا مارشرۋت ۇيىمداستىرىلاتىن بولادى.
بالا - بولاشاعىمىز
جاز باسىندا الماتىدا ناۋرىزباي اۋدانىنداعى يننوۆاسيالىق شىعارماشىلىق ورتالىعى اشىلدى. وقۋ جىلى باستالعانعا دەيىن وسىعان ۇقساس اپتاسىنا 5000 بالانى قامتيتىن ورتالىقتىڭ اشىلۋى الاتاۋ اۋدانىندا دا جوسپارلانعان. سونىمەن قاتار، قادامدىق قولجەتىمدىلىكتى قامتاماسىز ەتۋ شەڭبەرىندە 30-شى جىلدارى تۇركسىب جانە بوستاندىق اۋداندارىندا سالىنعان ەكى وقۋشىلار ءۇيىن بۇزۋ جانە ولاردىڭ ورنىنا كۇنىنە 800 كەلۋشىگە دەيىن قۋاتى بار زاماناۋي دامۋ جانە شىعارماشىلىق ورتالىقتارىن سالۋ جوسپارلانۋدا. بۇگىنگى تاڭدا جوبالار دايىن، قۇرىلىس-مونتاج جۇمىستارى 2024 جىلى باستالادى.
دەنساۋلىق سالاسىندا دا سەرپىن بايقالادى
مەديسينالىق ساقتاندىرۋ قورى الماتى قالاسىنىڭ دەنساۋلىق ساقتاۋ سالاسىنا قوسىمشا 7 ملرد تەڭگە ءبولدى. «بولىنگەن اقشا كونسۋلتاتيۆتىك-دياگنوستيكالىق قىزمەتكە – 2،8 ملرد تەڭگە، ستاسيونارلىق مەديسينالىق كومەككە – 4،1 ملرد تەڭگە، جوعارى تەحنولوگيالىق مەديسينالىق كومەككە – 164،5 ملن تەڭگە سياقتى سۇرانىسقا يە سالالارعا باعىتتالدى»، – دەدى مەديسينالىق ساقتاندىرۋ قورى الماتى فيليالىنىڭ ديرەكتورى تىلەۋحان ابىلدايەۆ.
جاستارعا قولداۋ بار
الماتىنىڭ جاس قانات شاعىن اۋدانىندا 2023 جىلدىڭ سوڭىنا دەيىن 22 مىڭ شارشى مەتر تۇرعىن ءۇي پايدالانۋعا بەرىلەدى
تۇركسىب اۋدانىنىڭ جاس قانات شاعىن اۋدانىندا 163 098 ش.م. 41 ءۇيدىڭ (3 116 پاتەر) قۇرىلىس-مونتاجداۋ جۇمىستارى جالعاسىپ جاتىر. 31 ءۇي نەمەسە اۋدانى 122 859 ش. م. 2 344 پاتەر پايدالانۋعا بەرىلدى. 2023 جىلدىڭ سوڭىنا دەيىن تاعى 5 ءۇي نەمەسە 473 پاتەر (22 مىڭ ش.م.) پايدالانۋعا بەرۋ جوسپارلانعان.