الماتىدا جاپىراق جەيتىن زيانكەستەر مەن زەڭ اۋرۋلارىنىڭ قوزدىرعىشتارىنا قارسى بيولوگيالىق وڭدەۋدىڭ ءتورتىنشى كەزەڭى باستالدى. الدىڭعى ءۇش كەزەڭ اعىمداعى جىلدىڭ ساۋىرىنەن تامىز ايىنا دەيىن جۇرگىزىلدى، دەپ حابارلادى الماتى قالاسى ەكولوگيا جانە قورشاعان ورتا باسقارماسىنىڭ باسشىسى سەرىك ادىلبايەۆ قالا اكىمنىڭ ورىنباسارى ءا.ءابدىقادىروۆتىڭ جۇمىس ساپارى بارىسىندا.
اعاشتاردىڭ تۇراقتى جاعدايىن جاقسارتۋ، ساقتاۋ جانە ولاردىڭ ءارتۇرلى زياندى ورگانيزمدەرگە توزىمدىلىگىن ارتتىرۋ ءۇشىن ءتورتىنشى كەزەڭ اياسىندا بيووڭدەۋمەن 2،3 ملن.استام اعاشتى قامتۋ جوسپارلانۋدا. زيانكەستەر بيولوگياسىنىڭ ەرەكشەلىكتەرىنە سۇيەنە وتىرىپ، ەمدەۋ تۇندە جانە تاڭەرتەڭ ەرتە جۇرگىزىلەدى.
اعىمداعى جىلدان باستاپ مونوفاگتاردىڭ زيانكەستەرىنە بارىنشا اسەر ەتۋ ءۇشىن ءبىرىنشى كەزەڭ (ۆەگەتاسيالىق كەزەڭنىڭ باستالۋى) كەزىندە تەرەكتى ءۇش رەت وڭدەۋ جانە وزگە اعاشتاردى ەكى رەت وڭدەۋ جۇرگىزىلدى. ايتا كەتۋ كەرەك، بۇرىن وسىمدىكتەردى بيولوگيالىق قورعاۋ ۆەگەتاسيالىق كەزەڭنىڭ باسىندا تەك ءبىر رەت جۇرگىزىلدى، ءبىراق مۇنداي وڭدەۋ جيىلىگى مونوفاگ زيانكەستەرى ءۇشىن جەتكىلىكسىز، بۇل جاسىل كەڭىستىكتەردىڭ جاعدايىنا تەرىس اسەر ەتەدى. جۇمىستا كليماتتىق فاكتورلاردى ەسكەرە وتىرىپ، ق ر اۋماعىندا قولدانۋعا رۇقسات ەتىلگەن جانە ادامدارعا، قۇستار مەن جانۋارلارعا زيانسىز، قاۋىپتىلىگى تومەن سىنىپتى سەرتيفيكاتتالعان بيولوگيالىق جانە كەيبىر جاعدايلاردا حيميالىق پرەپاراتتار (پ-4) پايدالانىلادى.
اۋا-رايى قولايلى جانە جاۋىن-شاشىنسىز كەزدە ءتورتىنشى كەزەڭدى 20 قىركۇيەكتە اياقتاۋ جوسپارلانۋدا.