دارىگەر جاڭاجىلدىق داستارحاننان كەيىن سيرروز دامۋى مۇمكىن ەكەنىن ەسكەرتتى
سەبەبى وسى مەرەكەدەن كەيىن دارىگەرگە جۇگىنەتىن ادامدار كوبەيەدى ەكەن.
گاستروەنتورولوگ-گەپاتولوگ دارىگەر ولگا اريشيەۆا جاڭاجىلدىق مەرەكەدەن كەيىن باۋىر اۋرۋىنا شالدىققان ناۋقاستار سانى ارتاتىنىن ايتتى، دەپ حابارلايدى Almaty-akshamy.kz ءتىلشىسى رەن-تۆ-عا سىلتەمە جاساپ.
ونىڭ ايتۋىنشا، العاشقى بەلگىلەر پايدا بولعاننان كەيىن دارىگەرگە قارالۋ كەرەك. مامان باۋىر اۋرۋىنىڭ بەلگىلەرىن اۋىرسىنۋ، قۇسۋ، ديارەيا نەمەسە، كەرىسىنشە، ءناجىستىڭ بولماۋى، دەنە تەمپەراتۋراسىنىڭ جوعارىلاۋى، تەرىنىڭ ءتۇسىنىڭ وزگەرۋى نەمەسە كوزدىڭ سارعايۋى دەپ اتادى. دارىگەر دەمالىس كەزىندە تاماقتى بايقاپ جەۋدى جانە دەنساۋلىقتى كۇتۋدى ۇسىندى. ول ءوز كەڭەسىمەن «گوۆوريت موسكۆا» راديو ستانسياسىنىڭ ەفيرىندە ءبولىستى.
اريشيەۆا كوبىنەسە وسى مەرەكەدەن كەيىن دارىگەرگە دەنساۋلىعىنا شاعىم ايتىپ كەلەتىندەر كوبەيەتىنىن، ءتىپتى اۋرۋدىڭ اسقىنىپ كەتەتىنى سونشالىق، ادامدى اياعىنا تۇرعىزۋ ءۇشىن ءبىراز ۋاقىت كەتەتىنىن ايتتى