2050 توننا كوكتايعاققا قارسى ماتەريالدار پايدالانىلدى.
27 جەلتوقسان كۇنى تاڭعى ساعات 02.00-دەن باستاپ الماتى قالاسىنىڭ تومەنگى اۋداندارىندا قار جاۋا باستادى. ساعات 15.00-دەگى جاعداي بويىنشا، تاۋلى جانە تاۋ بوكتەرىندەگى اۋدانداردا 10 سم-گە دەيىن، قالادا 5 سم قار جاۋدى، دەپ حابارلايدى Almaty-akshamy.kz الماتى قالاسىنىڭ تۇرعىن ءۇي ساياساتى باسقارماسىنا سىلتەمە جاساپ.
كوكتايعاقتىڭ الدىن الۋ ماقساتىندا جولدارعا كوكتايعاققا قارسى ماتەريالدار سەبىلەدى. 2050 توننا كوكتايعاققا قارسى ماتەريالدار پايدالانىلدى. قالانىڭ جوعارعى بولىگىندە قار تازالانۋدا.
تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، جالپى پايدالانۋ ورىندارىن تازالاۋ بويىنشا جۇمىستار جۇرگىزىلۋدە.
526 ارنايى تەحنيكا بىرلىگى، 174 قۇمشاشقىش جانە 1340 جول جۇمىسشىسى جۇمىلدىرىلدى.
اۋداندىق اكىمدىكتەردە قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
"قازگيدرومەتتىڭ" بولجامى بويىنشا، كەشكە جانە تۇندە كوكتايعاق بولۋى مۇمكىن.