جاڭا قۇرام بەكىتىلگەنگە دەيىن ۇكىمەت ءوز مىندەتتەرىن اتقاراتىن بولدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتى جاريالاعان پرەزيدەنت جارلىعىنا سىلتەمە جاساپ.
قازاقستان رەسپۋبليكاسىنىڭ ۇكىمەتى تۋرالى
2023 جىلعى 29 ناۋرىز
قازاقستان رەسپۋبليكاسى كونستيتۋسياسىنىڭ 70-بابىنىڭ 1-تارماعىنا، «قازاقستان رەسپۋبليكاسىنىڭ ۇكىمەتى تۋرالى» قازاقستان رەسپۋبليكاسى كونستيتۋسيالىق زاڭىنىڭ 4-بابىنا سايكەس جاڭادان سايلانعان قازاقستان رەسپۋبليكاسى پارلامەنتى ءماجىلىسىنىڭ الدىندا قازاقستان رەسپۋبليكاسى ۇكىمەتىنىڭ وكىلەتتىگىن دوعارۋىنا بايلانىستى قاۋلى ەتەمىن:
1. قازاقستان رەسپۋبليكاسى ۇكىمەتىنىڭ جاڭا قۇرامى بەكىتىلگەنگە دەيىن قازاقستان رەسپۋبليكاسىنىڭ ۇكىمەتى ءوز مىندەتتەرىن اتقاراتىن بولسىن.
2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقايەۆ
استانا، اقوردا، 2023 جىلعى 29 ناۋرىز
№ 158