بيىل العاش رەت 45 اۋدان جانە وبلىستىق ماڭىزى بار قالالار اكىمدەرىن تىكەلەي سايلاۋ وتەدى. بۇل تۋرالى پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
«بيىل العاش رەت 45 اۋدان جانە وبلىستىق ماڭىزى بار قالا اكىمدەرىن تىكەلەي سايلاۋ وتەدى. سودان كەيىن ەلىمىزدەگى بارلىق اۋدان اكىمدەرىن سايلايتىن بولامىز. وسىلايشا، بيلىكتىڭ بارلىق ينستيتۋتتارى جاڭارىپ، تىڭ قارقىنمەن جۇمىس ىستەي باستايدى. ءبىز ساياسي ۇدەرىستى دەموكراتيالاندىرىپ، ازاماتتاردىڭ مەملەكەتتى باسقارۋ ىسىنە قاتىسۋ مۇمكىندىگىن كەڭەيتە بەرەمىز. ءبارىمىز مىنا ءبىر وتە ماڭىزدى نارسەنى ءتۇسىنۋىمىز كەرەك»، - دەدى مەملەكەت باسشىسى.
پرەزيدەنت قازاقستان – وسى گەوساياسي ايماقتا تۇبەگەيلى رەفورما جۇرگىزىپ جاتقان بىردەن-بىر ەل ەكەندىگىنە نازار اۋدارتتى.
«كەيبىر ادامدار، سولاردىڭ ىشىندە ساياساتكەرلەر دە بار، وسىنداي رەفورمالار قازاقستانعا ءقاۋىپ ءتوندىرۋى مۇمكىن دەپ ايتادى. ءبىراق، مەن وسى وزگەرىستەردىڭ بارلىعى، ەڭ الدىمەن ەل بولاشاعى ءۇشىن اۋاداي قاجەت دەپ ويلايمىن. العان بەتىمىزدەن قايتۋعا بولمايدى. كەرىسىنشە، زاڭ ۇستەمدىگى، حالىق بىرلىگى، الەۋمەتتىك ادىلدىك جانە ىشكى ساياسي تۇراقتىلىق سەكىلدى ىرگەلى قۇندىلىقتارعا باسا ءمان بەرە وتىرىپ، رەفورمالار جولىمەن العا قاراي نىق قادام باسۋىمىز كەرەك»، - دەدى قاسىم-جومارت توقايەۆ.