بۇل بەلگىلەنگەن مەرزىمنەن ەكى ايعا ەرتە
جاڭا زەلانديادا شىلدەنىڭ 31-ىنەن باستاپ تۋريستەر ءۇشىن شەكارا اشىلاتىن بولدى، دەپ حابارلايدى Almaty-akshamy.kz «حابار 24»-كە سىلتەمە جاساپ.
بۇل بەلگىلەنگەن مەرزىمنەن ەكى ايعا ەرتە.
پرەمەر-مينيستر دجاسيندا اردەرن وسىنداي مالىمدەمە جاسادى. بۇدان بولەك، ول كوشى-قون ساياساتىنا قاتىستى ءبىرقاتار رەفورما ەنگىزىلەتىنىن دە جەتكىزدى. ياعني ەڭبەك ميگرانتتارىنىڭ ەلگە كىرىپ-شىعۋى جەڭىلدەيدى. ەل بيلىگى الداعى تۋريستىك ماۋسىم قارساڭىندا جۇمىسشى تاپشىلىعى ماسەلەسىن وسىلاي شەشپەك كورىنەدى.