سۋ رەسۋرستارى جانە يرريگاسيا مينيسترلىگى جاڭا سۋ كودەكسىنىڭ جوباسىن پىسىقتاۋ جۇمىسىن جالعاستىرىپ جاتىر.
بۇگىنگى تاڭدا قۇرامىنا مينيسترلىك وكىلدەرى، پارلامەنت ءماجىلىسىنىڭ دەپۋتاتتارى جانە ساراپشىلار كىرەتىن جۇمىس توبىنىڭ وتىرىستارىندا تالقىلانعان كودەكسكە قاتىستى 500-دەن استام تۇزەتۋ بار، دەپ حابارلايدى aqshamnews.kz
28 ناۋرىزدان بەرى بۇگىنگى كۇنگە دەيىن ماجىلىستە، اپتاسىنا ەكى رەت وتەتىن جۇمىس توبىنىڭ 28 وتىرىسى ءوتتى. بۇگىنگى تاڭدا ءماجىلىس ۇكىمەتتىڭ قورىتىندىسىن الۋ ءۇشىن سۋ كودەكسىنە 115 تۇزەتۋ جانە ىلەسپە زاڭ جوباسى بويىنشا 6 تۇزەتۋ جىبەردى.
«جاڭا سۋ كودەكسىنىڭ ماقساتى - قورشاعان ورتاعا زيان كەلتىرمەستەن ەكونوميكانىڭ تۇراقتى دامۋىن قامتاماسىز ەتەتىن سۋ پايدالانۋدىڭ ءقاۋىپسىز دەڭگەيىنە قول جەتكىزۋ جانە سونى قولداۋ بولىپ تابىلادى. سونىمەن قاتار، جاڭا كودەكستە دەكلاراتيۆتى جانە قايتالاناتىن ەرەجەلەر الىنىپ تاستالادى. بارلىق بەلگىلەنگەن پرينسيپتەر مەن مىندەتتەر ولاردى ىسكە اسىرۋ تەتىكتەرىمەن بەكىتىلگەن. گيدروتەحنيكالىق قۇرىلىستاردىڭ، يرريگاسيا، درەناج جانە اۋىز سۋمەن جابدىقتاۋدىڭ قاۋىپسىزدىگى ماسەلەلەرى جەكە بولىمدەرگە بولىنگەن»، – دەدى سۋ رەسۋرستارى جانە يرريگاسيا ءبىرىنشى ۆيسە-مينيسترى بولات بەكنياز.
بۇدان بولەك، 5 كودەكس، 9 زاڭ جانە 28 نورماتيۆتىك قۇقىقتىق اكتى جاڭا سۋ كودەكسىنە سايكەستەندىرىلدى.