الماتى اكىمىمەن كەزدەسۋلەردە ايتىلعان قالا تۇرعىندارىنىڭ ماسەلەسى قالاي شەشىلىپ جاتىر
الماتى اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزەكتى كەزدەسۋىن وتكىزدى. قالا اكىمدىگىنىڭ باسپا ءسوز قىزمەتىندە 2023 جىلدىڭ شىلدەسىندە وسى اۋدان تۇرعىندارىمەن كەزدەسۋدە مەگاپوليس باسشىسىنىڭ بەرگەن تاپسىرمالارى تۋرالى ايتىلدى.
سول كەزدە «14-اۋماق» جانە «قاراسۋ» شاعىن اۋداندارىنىڭ تۇرعىندارى ۇزاققا سوزىلعان ينجەنەرلىك جەلىلەردى توسەۋ ماسەلەسىن كوتەردى. سونىڭ ناتيجەسىندە «14-اۋماق» شاعىن اۋدانىنىڭ 16 كوشەسىندە 600-دەن استام مەنشىك يەسىنىڭ ۋچاسكەلەرىنىڭ شەكاراسىنا دەيىن تاراتۋ جەلىلەرىن مونتاجداي وتىرىپ، 7،5 كم سۋمەن قامتۋ جانە كارىز جەلىلەرى سالىندى. سونىمەن قاتار، تروتۋارلار مەن جارتىلاي ارىق جەلىلەرى بار اسفالت توسەۋ جۇمىستارى جۇرگىزىلدى. «قاراسۋ» شاعىن اۋدانىندا 25 كم سۋمەن قامتۋ جانە سۋ بۇرۋ جەلىلەرى سالىندى.
- اۋدان حالقىنىڭ وتىنىشىمەن №24، 125، 19، 88 مارشرۋتتارداعى اۆتوبۋستار جاڭارتىلدى، بارلىعى 52 بىرلىك جىلجىمالى قۇرام. سونىمەن بىرگە 13 جاڭا كوتەرگىش پەن بەينەباقىلاۋ جۇيەسىن ورناتا وتىرىپ، 18 جەر ءۇستى جاياۋ جۇرگىنشىلەر وتكەلىنە كۇردەلى جوندەۋ جۇرگىزىلدى. 5 جەر استى جاياۋ جۇرگىنشىلەر وتكەلىن جوندەۋ اياسىندا شاتىر جاڭارتىلدى، تروتۋار پليتالارى، ۋرنالار مەن جارىقتاندىرۋ ءىشىنارا اۋىستىرىلدى. جىل قورىتىندىسى بويىنشا اۋدانداعى 12 شاعىن اۋدانداعى 63 كوشەدەگى جولدار ورتاشا جوندەۋمەن قامتىلدى.
- بۇعان قوسا، اۋدان تۇرعىندارى قاتتى جاڭبىر كەزىندە ءارتۇرلى ۋچاسكەلەردىڭ سۋ باسۋىنا الاڭداۋشىلىق ءبىلدىردى. سونىڭ ناتيجەسىندە 7 كوللەكتور تازارتىلىپ، قالپىنا كەلتىرىلدى، 3 كوللەكتور سالىندى، سونداي-اق 8 ۋچاسكەدە ۇزىندىعى 1،1 كم ارىق جەلىسىنىڭ قۇرىلىسى مەن جوندەۋى اياقتالدى.
- كەزدەسۋدە اۋدان تۇرعىندارى «قاراسۋ» شاعىن اۋدانى ساياباق ايماعىن جابدىقتاۋ تۋرالى ۇسىنىس جاسادى. قالا اكىمى ءوتىنىشتى قولداپ، باعانالى وردا كوشەسىندە تروتۋار توسەۋ، ورىندىقتار، ۋرنالار ورناتۋ، كوشەلەردى جارىقتاندىرۋ جانە اۋماق كوگالداندىرىلدى.
سونىمەن بىرگە، ەربولات دوسايەۆتىڭ تاپسىرماسىمەن الاتاۋ اۋدانىندا يننوۆاسيالىق شىعارماشىلىق ورتالىعى اشىلدى، وندا كوۆوركينگ-ايماق، بالالارعا ارنالعان ينتەراكتيۆتى زال، اسپازدىق، اكتەرلىك شەبەرلىك، مۋزىكا ستۋديالارى، وقۋشىلارعا ارنالعان دەمالىس ايماعى بار اشىق تەرراسا، سونداي-اق لوگوپەدتەر، دەفەكتولوگتار، پسيحولوگتار جۇمىس ىستەيتىن ەدش-زالدارى مەن تۇزەتۋ كابينەتتەرى بار.