قازاق اقىنى، مەملەكەت جانە قوعام قايراتكەرى ولجاس سۇلەيمەنوۆ الماتىداعى №371 سايلاۋ ۋچاسكەسىندە ازاماتتىق تاڭداۋىن جاسادى. ايتۋىنشا، حالىق بۇل ساياسي ناۋقانعا ۇلكەن دايىندىقپەن كەلگەن. بۇل قۇبىلىس قازاق قوعامىنا اقيقاتتىڭ ارا جىگىن ايىرىپ الۋعا مۇمكىندىك بەردى. رەفەرەندۋمعا دايىندىق بارىسىندا جاستاردىڭ بەلسەندىلىك تانىتۋى اقىننىڭ كوڭىلىنەن شىققان.
«مەن مەملەكەتتىڭ بولاشاعىنا، ساياسي تۇراقتىلىققا جانە دەموكراتياعا داۋىس بەردىم. گەوساياسي جاعداي تىعىرىققا تىرەلىپ تۇرعان كەزدە، ساياسي تۇراقتىلىق مەملەكەتتىڭ بولاشاعى ءۇشىن ماڭىزدى. ءبىزدىڭ نەگىزگى سايلاۋشىلار اۋديتورياسى جانە داۋىس بەرەتىن ادامدار جاستار بولعاندىقتان، ءبىز ولارعا ەرەكشە كوڭىل بولەمىز. جاڭا قازاقستانعا – جاستار كەرەك. جاستارىمىز رەفەرەندۋمدا بەلسەندىلىك تانىتادى دەپ سەنەمىن»، – دەدى و.سۇلەيمەنوۆ.