الماتىنىڭ 2 548 تۇرعىنى ۇيدەن داۋىس بەرۋگە ءوتىنىش بىلدىرگەن، ونىڭ 1299-ى داۋىس بەرىپ ۇلگەردى. بۇل تۋرالى بريفينگ بارىسىندا اۋماقتىق رەفەرەندۋم كوميسسياسىنىڭ ءتوراعاسى جاننا اسانوۆا ءمالىم ەتتى، دەپ حابارلايدى almaty-akshamy.kz
«داۋىس بەرۋ جالعاسىپ جاتىر. ۋچاسكەلىك كوميسسيا مۇشەلەرى ازاماتتاردىڭ ءوتىنىشى بويىنشا ءۇي-ۇيدى ارالاپ، داۋىستارىن قابىلداپ جاتىر. داۋىستى ۇيدەن بەرۋ بويىنشا 2 548 ءوتىنىش كەلىپ ءتۇستى. وسى ساتكە دەيىن 1 299 ادام داۋىس بەرىپ ۇلگەردى. ەڭ كوپ ءوتىنىش اۋەزوۆ اۋدانىنان ءتۇستى – 864، ەڭ ازى ناۋرىزباي اۋدانىنان بولدى»، - دەيدى جاننا اسانوۆا.
سونىمەن قاتار، ول مۇمكىندىگى شەكتەۋلى ازاماتتار 97 ينۆوتاكسيدىڭ قىزمەتىنە جۇگىنگەنىن اتاپ ءوتتى.
«ساعات 14:00-دەگى جاعداي بويىنشا حالىقتىڭ 23،6%، ياعني 265 892 ادام داۋىس بەرۋگە كەلدى»، - دەدى سپيكەر.