الماتىلىق سپورتشىلار كاتارداعى قازاقستان ەلشىلىگىندە داۋىس بەردى، دەپ حابارلايدى almaty-akshamy.kz قازاقپاراتقا سىلتەمە جاساپ.
الماتىداعى №9 وليمپيادا رەزەرۆىندەگى مامانداندىرىلعان بالالار-جاسوسپىرىمدەر مەكتەبى مەن سپورتتىق گيمناستيكادان مامانداندىرىلعان جوعارى سپورت شەبەرلىگى مەكتەبىنىڭ تاربيەلەنۋشىلەرى ازيا چەمپيوناتىنا قاتىسۋ ءۇشىن كاتارعا ۇشىپ كەتكەن بولاتىن.
ولاردىڭ قاتارىندا سپورتتىق گيمناستيكادان ق ر قۇراماسىنىڭ كوشباسشىلارى ميلاد كاريمي، ناريمان قۇربانوۆ، ءىلياس ءازيزوۆ بار.
ولار ق ر باس باپكەرلەرى جانە №9 سپورت مەكتەبىنىڭ باس جاتتىقتىرۋشىلارى ا.ت. كيم، س. گورباچيەۆ، ح. ش. كۋربانوۆپەن بىرگە كاتار مەملەكەتىندەگى قازاقستان ەلشىلىگىندە داۋىس بەردى.
قۇراما مۇشەلەرى رەفەرەندۋمعا دايىندىقتىڭ جوعارى دەڭگەيىن جانە ەلشىلىكتە سپورتشىلاردى جىلى قابىلداعانىن اتاپ ءوتتى.
ديپلوماتتار ءوز تاراپىنان الداعى جارىستاردا سپورتشىلارعا جانكۇيەر بولۋعا ۋادە ەتتى.