«قازاقستان تەمىر جولى» ۇق» اق مالىمەتىنشە، 2024 جىلدىڭ قىركۇيەگىنەن باستاپ 2025 جىلعى 13 ساۋىرگە دەيىنگى ارالىقتا جاڭا ءونىمنىڭ 7 ميلليون توننا استىعى ەكسپورتتالدى.
بۇل كورسەتكىش وتكەن اۋىل شارۋاشىلىعى ماۋسىمىنداعى (4،6 ملن توننا) كورسەتكىشپەن سالىستىرعاندا 35،2%-عا جوعارى، دەپ حابارلايدى aqshamnews.kz.
قازاقستاندىق استىق ەكسپورتىنىڭ نەگىزگى باعىتى — ورتالىق ازيا ەلدەرى. مىسالى، وزبەكستانعا جەتكىزۋ كولەمى 2 ملن توننادان 2،6 ملن تونناعا دەيىن ءوسىپ، 23،5%-عا ارتتى. تاجىكستانعا ەكسپورت 33،7%-عا ۇلعايىپ، 681 مىڭ توننادان 1 027 مىڭ تونناعا جەتتى. اۋعانستانعا جەتكىزۋ كولەمى 26%-عا (198 مىڭ توننادان 267 مىڭ تونناعا دەيىن)، قىرعىزستانعا — 49،7%-عا (83 مىڭ توننادان 165 مىڭ تونناعا دەيىن) ءوستى.
استىق ەكسپورتىنىڭ يران مەن ازەربايجان باعىتتارى بويىنشا دا ايتارلىقتاي ءوسىمى بايقالدى. يرانعا ەكسپورت كولەمى 15،2 ەسەگە ارتىپ، 54 مىڭ توننادان 825 مىڭ تونناعا جەتسە، ازەربايجانعا — 99،4 ەسەگە، ياعني 5 مىڭ توننادان 497 مىڭ تونناعا دەيىن وسكەن.
قازاقستان وڭىرلىك ازىق-تۇلىك نارىعىنداعى ءوز پوزيسياسىن نىعايتا وتىرىپ، ساپالى استىقتى شەتەلگە تۇراقتى تۇردە ەكسپورتتاۋدى جالعاستىرۋدا.