الماتى اكىمى ەربولات دوسايەۆ ناۋرىزباي اۋدانىنىڭ تۇرعىندارىمەن كەزدەسۋدە جاڭادان اشىلعان مەكتەپتەردە وقىتۋ ءتىلىن تاڭداۋ جەرگىلىكتى حالىقتىڭ قاجەتتىلىكتەرىنە بايلانىستى ەكەنىن ايتتى،-دەپ حابارلايدى اlmaty-akshamy.kz
ناۋرىزباي اۋدانى تۇرعىندارىمەن الماتى قالاسىنىڭ اكىمى كەزدەسۋ بارىسىندا تۇرعىنداردى مازالايتىن ساۋالداردىڭ ءبىرى جاڭا مەكتەپتەردىڭ ءتىلىن تاڭداۋ جايى قوزعالدى.
كەزدەسۋ بارىسىندا اۋدان تۇرعىنى: «كوپتەگەن مەكتەپتەر اشىلادى، ءبىراق ولاردىڭ بارلىعى تەك قازاق تىلىندە وقىتىلادى. ارالاس مەكتەپتەر جوق، ال ءبىزدىڭ 157ء-شى مەكتەپتە بالا سانى اسىپ كەتكەن»، -دەگەن ساۋال جولدادى.
بىزدە ارالاس مەكتەپتەر اشىلادى. ناۋرىزباي اۋدانىندا ىسكە قوسىلعان جاڭا مەكتەپتەردىڭ كوپشىلىگى قازاق تىلىندە وقىتىلادى. بۇل وتكەن جىلدىڭ باسىندا وسى اۋداندا تاپشىلىعى بايقالعان 7،5 مىڭ مەكتەپ ورنىنىڭ ىشىندە قازاق تىلىندە وقىتاتىن ورىندارعا وتىنىمدەردىڭ بولعانىنا بايلانىستى. سوندىقتان وتىنىشتەر قاناعاتتاندىرىلعان بولاتىن. ءبىز سالعالى وتىرعان جاڭا مەكتەپتەر، ونىڭ ىشىندە «جايلى مەكتەپ» ۇلتتىق جوباسى اياسىندا اۋداندىق ءبىلىم باسقارمالارىنىڭ قاراۋىنداعى وتىنىمدەر سانىنا قاراي اشىلاتىن بولادى.
جاڭا مەكتەپتەر سالۋدى جالعاستىرامىز. مەملەكەت باسشىسى مەكتەپ بىلىمىنە ەرەكشە كوڭىل بولەدى. بىزدە ۇتقىر جوسپارلار بار: 2025 جىلدىڭ سوڭىنا دەيىن مەكتەپتەردىڭ 30%-ىن ءبىر اۋىسىمدا ۇستاۋعا ۇمتىلاتىن بولامىز. بىزدە مۇنداي مۇمكىندىكتەر بار، - دەپ جاۋاپ بەردى الماتى اكىمى ەربولات دوسايەۆ.
ال قالا تۇرعىنىنىڭ سۇراعىنا قالانىڭ الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا ءوز تاراپىنان مەكتەپتەردە وقىتۋ ءتىلىن تاڭداۋعا نە سەبەپ بولعانىن دالەلدەر كەلتىرۋ ارقىلى جاۋاپ بەردى.
بىزدە قازاق مەكتەپتەرىنە قاجەتتىلىك ۇلكەن. سوڭعىسى 1200 ورىنعا ەسەپتەلگەن N 207 مەكتەپ اشىلدى. قازاق سىنىپتارىنا 2400 بالا، ال ورىس سىنىپتارىنا 100-دەن اسپايتىن بالا كەلدى. وسىعان بايلانىستى ءبىز 157ء-شى مەكتەپتە وسى اۋدان تۇرعىندارى ءۇشىن ورىس تىلىندە وقيتىن بالالاردى تاسىمالداۋدى ۇيىمداستىردىق.
ءبىز، ەڭ الدىمەن، اتا-انالاردىڭ قاجەتتىلىكتەرىن ەسكەرەتىن بولامىز. اشىلعان سەگىز مەكتەپتىڭ ەكەۋى ارالاس.