تۇركيانىڭ ادىيامان پروۆينسياسىندا جارتاس قاق ايىرىلىپ، ماڭايىندا ورنالاسقان اۋىل تۇرعىندارى ءقاۋىپسىز جەرگە كوشىرىلدى، دەپ حابارلايدى Almaty-akshamy.kz.
ادىيامان - پروۆينسياسى جويقىن ءزىلزالادان ەڭ قاتتى اپاتقا ۇشىراعان ءۇش ءوڭىردىڭ ءبىرى. جەر سىلكىنگەندە بۇل جارتاس قاق بولىنگەن ەدى. تەلەارنانىڭ حابارلاۋىنشا، جەر سىلكىنىسىنەن 9 كۇن وتكەننەن كەيىن جارتاس ودان بەتەر قيراپ، تۇرعىن ۇيلەرگە ءقاۋىپ ءتوندىردى. جويقىن ءزىلزالادان كەيىن ەل اۋماعىندا 4300-دەن اسا جەراستى ءدۇمپۋى تىركەلدى.
تۇركيا توتەنشە جاعدايلار اگەنتتىگىنىڭ مالىمەتىنە سەنسەك، بۇگىندە قازا تاپقاندار سانى 38 مىڭنان استى. قۇتقارۋ جۇمىستارى ءالى دە جالعاسىپ جاتىر. كاحرامانماراشتا 248 ساعاتتان كەيىن 17 جاستاعى قىز، انتاكيادا 228 ساعاتتان كەيىن 13 جاستاعى ۇل بالا ءۇيىندى استىنان امان-ەسەن شىعارىلدى.
ناتيجەسىندە قۇتقارىلعاندار سانى 108 مىڭنان استى. ەلىمىزدەن بارعان قۇتقارۋشىلار وزدەرىنە تاپسىرىلعان نىساندارداعى جۇمىستى اياقتاپ، ارىپتەستەرىنە كومەكتەسىپ جاتىر. ەسكە سالا كەتەيىك، تۇركيانىڭ حاتاي پروۆينسياسىندا تاعى دا 5،1 بالدىق جەر سىلكىنىسى تىركەلدى.