قازاقستان ءموبيلدى ينتەرنەت ەڭ ارزان ەلدەر قاتارىنا ەندى

ەلىمىزدە 1گب ءموبيلدى ينتەرنەتتىڭ ورتاشا قۇنى نەبارى 0،37 اقش دوللارىن قۇرايدى.

بۇگىندە ينتەرنەت ەلەكتر، جىلۋ، سۋ، گاز سەكىلدى باستى قاجەتتىلىكتىڭ بىرىنە اينالدى، دەپ حابارلايدى Almaty-akshamy.kz. قازاقپاراتقا سىلتەمە جاساپ. 

بريتاندىق Cable تالداۋ رەسۋرسىنىڭ مالىمەتىنشە، وتكەن جىلى 1 گب ءموبيلدى دەرەكتەردىڭ ورتاشا قۇنى بويىنشا 233 ەلدىڭ ىشىندەگى يزرايل (0،04 $)، يتاليا (0،12 $)، سان-مارينو (0،14 $)، فيدجي (0،15 $) جانە ءۇندىستاندا (0،17 $) ەڭ ارزان بولىپ شىقتى.

قازاقستان - ەڭ ارزان ءموبيلدى ينتەرنەتى بار ەلدەردىڭ قاتارىنا كىردى. ەلىمىزدە 1 گب ءموبيلدى ينتەرنەتتىڭ ورتاشا قۇنى نەبارى 0،37 اقش دوللارىن قۇرادى.

زەرتتەۋ كورسەتكەندەي، ينفراقۇرىلىمى جاقسى جولعا قويىلعان ەلدەر رانكينگتىڭ «ارزان» بولىگىندە ورنالاسقان. تالشىقتى-وپتيكالىق جەلىلەر جانە دامىعان ءموبيلدى جانە كەڭ جولاقتى ينفراقۇرىلىم ابونەنتتەرگە ترافيكتى تومەن باعامەن ۇسىنۋعا مۇمكىندىك بەرەدى.

رەسەيدە 1 گب ءموبيلدى ينتەرنەتتىڭ ورتاشا قۇنى 0،48 اقش دوللارى، گەرمانيادا — 2،67 دوللار، پورتۋگاليادا — 3،67، جاپونيادا — 3،85 دوللار، اقش-تا-5،62 دوللاردى تۇرادى.

قازاقستاندا ءموبيلدى ينتەرنەت قۇنى الەمدەگى ەڭ تومەن باعالاردىڭ ءبىرى عانا ەمەس، جىلدىق ديناميكا جاعىنان العاندا دا قىسقارعان.

Cable مالىمەتتەرى بويىنشا، 2021 جىلى قازاقستاندا 1 گب ءموبيلدى ينتەرنەتتىڭ ورتاشا باعاسى 0،59 اقش دوللارىن قۇرادى. 2019 جانە 2020 جىلدارى بۇل كورسەتكىش 0،49 جانە 0،46 دوللارعا ءتۇستى.