تۋريزم جانە سپورت مينيسترلىگى جانىنان جاڭا مەملەكەتتىك ورگان – ويىن بيزنەسى مەن لوتەرەيانى رەتتەۋ كوميتەتى قۇرىلدى. ۇكىمەت قاۋلىسى "ادىلەت" اقج-دا جاريالاندى، دەپ حابارلايدى aqshamnews.kz.
"ادىلەت" اقپاراتتىق-قۇقىقتىق جۇيەسىنىڭ اقپاراتىنا سۇيەنسەك، ۇكىمەت تۋريزم جانە سپورت مينيسترلىگىنىڭ كەيبىر ماسەلەسى تۋرالى 4 قىركۇيەكتەگى قاۋلىنى بەكىتكەن.
"قازاقستان رەسپۋبليكاسى تۋريزم جانە سپورت مينيسترلىگىنىڭ تۋريزم يندۋسترياسى كوميتەتى قازاقستان رەسپۋبليكاسى تۋريزم جانە سپورت مينيسترلىگىنىڭ ويىن بيزنەسى جانە لوتەرەيانى رەتتەۋ جونىندەگى كوميتەتىن ءبولۋ ارقىلى قايتا قۇرىلسىن"، - دەپ جازىلعان حابارلامادا.
تۋريزم جانە سپورت مينيسترلىگىنىڭ رەسمي سايتىنداعى اقپاراتقا سايكەس، ەندى ۆەدومستۆودا تۋريزم يندۋسترياسى كوميتەتى، سپورت جانە دەنە شىنىقتىرۋ ىستەرى كوميتەتى، سونداي-اق جاڭادان قۇرىلعان. ويىن بيزنەسى مەن لوتەرەيانى رەتتەۋ كوميتەتى جۇمىس ىستەمەك.
ايتا كەتەيىك، بۇعان دەيىن قىركۇيەكتەن باستاپ قازاقستاننىڭ ەڭبەك جانە حالىقتى الەۋمەتتىك قورعاۋ مينيسترلىگى جانىنان مەملەكەتتىك ەڭبەك ينسپەكسياسى كوميتەتى جۇمىس ىستەي باستاعانى حابارلانعان ەدى.