قازاقستاندا اتوم ەلەكتر ستانسياسىن (اەس) سالۋ قاجەت. يادرولىق فيزيكا ينستيتۋتىنىڭ بازاسىندا سۋ-سۋ زەرتتەۋ رەاكتورى جۇمىس ىستەيدى – بۇل بولاشاقتا قازاقستاندا سالۋدى جوسپارلاپ وتىرعان اتوم ەلەكتر ستانسياسىنىڭ ءپروتوتيپى ىسپەتتەس.
2012 جىلدان 2016 جىلعا دەيىن ءبىزدىڭ زەرتتەۋ رەاكتورىمىز تومەن بايىتىلعان ۋرانعا اۋىستى. ياعني، ءبىز اتوم ەلەكتر ستانسياسىندا اتقارىلۋى ءتيىس جۇمىستاردى كۇندەلىكتى، جىل سايىن ورىندايمىز. 56 جىل بويى ءبىزدىڭ رەاكتوردا ەشقانداي وقىس وقيعا ورىن العان جوق. بۇدان بولەك، اتومداردى ەكونوميكاداعى بارلىق سالالاردا، ونەركاسىپتەن باستاپ مەديسينا، اۋىل شارۋاشىلىعى، ازىق-تۇلىك ونىمدەرىن وڭدەۋگە دەيىن يگىلىكتى ماقساتتا قولدانۋعا بولادى.
ەلەكتر ەنەرگياسى ۇزدىكسىز جۇمىس ىستەگەن كەزدە، ونىڭ وزىندىك قۇنى ەڭ تومەن بولادى. قازىرگى ۋاقىتتا ادامزات ءۇشىن بۇل نەگىزگى ماسەلەلەردىڭ ءبىرى. سونىمەن قاتار، اتوم ەلەكتر ستانسياسىن سالاتىن بارلىق كومپانيالار 60 جىلدىق كەپىلدىك بەرەدى. الايدا تاجىريبە كورسەتكەندەي، اەس كەم دەگەندە 80 جىل جۇمىس ىستەي الادى. ودان ءارى بۇل مەرزىمدى 100 جىلعا دەيىن ۇزارتۋعا بولادى.