ءبىر ساعاتقا سوزىلعان باسەكە بارىسىندا ە.رىباكينا 3 ەيس جاساپ، 5 برەيك-پوينتتىڭ تورتەۋىن ءوز پايداسىنا جازدى
قازاقستاندىق ەلەنا رىباكينا دۋبايدا (ءباا) ءوتىپ جاتقان World Tennis League كوماندالىق ءتۋرنيرىنىڭ توپتىق باسەكەسىندە الەمنىڭ ءتورتىنشى راكەتكاسى، فرانسيالىق كارولين گارسيامەن كورتقا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاننىڭ ءبىرىنشى، الەمنىڭ 21-راكەتكاسى قارسىلاسىن 7:5، 6:1 ەسەبىمەن تىزە بۇكتىردى.
ءبىر ساعاتقا سوزىلعان باسەكە بارىسىندا ە.رىباكينا 3 ەيس جاساپ، 5 برەيك-پوينتتىڭ تورتەۋىن ءوز پايداسىنا جازدى.
وسىلايشا، «قارشىعالار» توبىندا ونەر كورسەتەتىن ە.رىباكينا ءۇش كەزدەسۋىندە دە قارسىلاستارىنان باسىم ءتۇستى.
كەشە استانادا «قازمەديا» ورتالىعىندا ق ر مادەنيەت جانە سپورت مينيسترلىگى ۇزدىك سپورتشىلار، باپكەرلەر، مەكەمەلەردى ماراپاتتاعان ەدى. وندا «جىل جاڭالىعى – ۇزدىك سپورتشى» اتالىمى بويىنشا جەڭىمپاز اتانعان ەلەنا رىباكينا وسىعان وراي ءوزىنىڭ العىسىن ءبىلدىردى.
«ماعان داۋىس بەرگەندەردىڭ بارىنە العىسىمدى ايتقىم كەلەدى. بۇل مەن ءۇشىن ۇلكەن قۇرمەت جانە وتە ماڭىزدى. وكىنىشكە قاراي، دۋبايدا بولعاندىقتان، ماراپاتتى ءوزىم الا المادىم. تاياۋ ۋاقىتتا اۋسترالياداعى جارىستارعا اتتانامىن. جىل بويى ماعان جانكۇيەر بولعان قازاقستاندىقتاردىڭ بارىنە ريزاشىلىعىمدى بىلدىرەمىن. جاڭا جىلدا دا سىزدەردى ويىنىممەن جانە تابىستارىممەن قۋانتامىن دەپ ويلايمىن»، - دەدى ە.رىباكينا.
ەسكە سالا كەتەيىك، بۇدان بۇرىن ەلەنا رىباكينانىڭ «التىن ادام» سىيلىعىنىڭ لاۋرەاتى اتانعانىن جازعان بولاتىنبىز.
سونداي-اق قازاقستاندىق ەۋروپاداعى ۇزدىك جاس تەننيسشى اتاندى.
ەلەنا رىباكينا دۋبايدا ەكىنشى جەڭىسىنە قول جەتكىزدى.
بالۋان قىز ءجاميلا باقبەرگەنوۆا «جىلدىڭ ۇزدىك سپورتشىسى» اتاندى.