بايلانىس جۇيەسىندەگى قاجەتتى وزگەرىستەرگە كەرەك شىعىندار وپەراتورلاردىڭ ءوز ەسەبىنەن جۇرگىزىلەدى.
+997 كودىنا كوشۋ ءۇشىن مەملەكەتتىك بيۋدجەتتەن قاراجات بولىنبەيدى، دەپ حابارلايدى Almaty-akshamy.kz ق ر سدياوم-گە سىلتەمە جاساپ.
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ مالىمەتىنشە، قازاقستان ەكى جىل ىشىندە تولىقتاي دەربەس تەلەفون كودىنا وتەدى دەپ جوسپارلانعان.
«جاڭا كودتى پايدالانۋ 2023 جىلدىڭ قاڭتار ايىنان باستالادى جانە 2025 جىلعى قاڭتارعا دەيىن ەكى كود: +7 جانە +997 كودى بىرگە قولدانىلادى. سەبەبى حالىققا ىڭعايلى بولۋ ءۇشىن. بۇل وزگەرىستەر ەڭ ءبىرىنشى قازاقستان ەلى ءۇشىن بولەك كود بولسىن دەگەن ويمەن ەنگىزىلەدى»، - دەدى ق ر ءسدياوم بايلانىس سالاسىنداعى مەملەكەتتىك ساياسات جانە ينفراقۇرىلىم دەپارتامەنتىنىڭ ديرەكتورى گۇلنار بوكەيەۆا.