ەلىمىز بولاشاقتا كومىرتەگىنەن ارىلۋدى كوزدەيدى

سوڭعى 75 جىلدىڭ ىشىندە جىلدىق ورتاشا تەمپەراتۋرا 2 گرادۋسقا جىلىنىپ كەتكەن.

«قازاقستان 2060 جىلعا قاراي كومىرتەگىنەن تازا ەل بولۋدى كوزدەيدى» دەدى ق ر پرەزيدەنتى قاسىم-جومارت توقايەۆ، دەپ حابارلايدى Almaty-akshamy.kz

بۇۇ باس اسسامبلەياسى 76-سەسسياسىنىڭ جالپى دەباتتارىندا سويلەگەن سوزىندە مەملەكەت باسشىسى كومىرقىشقىل گازدىڭ وتە جوعارى دەڭگەيىنە، ورمانداردىڭ ورتكە ورانۋى، سيكلوندار، سۋ باسۋ مەن قۇرعاقشىلىق ادامدارعا اپات الىپ كەلەتىن قالىپتى جاعدايعا اينالىپ وتىرعانىن اتاپ ءوتتى.

«تەڭىزگە شىعاتىن جولى جوق ءىرى مەملەكەت بولىپ سانالاتىن قازاقستاننىڭ كليماتى تەز وزگەرىپ جاتىر، سونىسىمەن حالقىمىز بەن ەكونوميكامىزعا ءقاۋىپ تۋدىرۋدا. سوڭعى 75 جىلدىڭ ىشىندە جىلدىق ورتاشا تەمپەراتۋرا 2 گرادۋسقا جىلىنىپ، قازىرگى ۋاقىتتا ءار بەس جىل سايىن قۋاڭشىلىق بولىپ وتىر. وسىعان بايلانىستى قازاقستان 2060 جىلعا قاراي كومىرتەگىنەن تازا ەل بولۋدى كوزدەيدى. كەلەسى ايدان باستاپ ءبىز 2008 جىلعى دەڭگەيمەن سالىستىرعاندا ىشكى جالپى ءونىمنىڭ ەنەرگيا شىعىنىن 50 پايىزعا ازايتۋعا باعىتتالعان 2050 جىلعا دەيىن كومىرتەگى از ۇلتتىق ستراتەگيانى دامىتۋدى باستايمىز»، – دەدى قازاقستان پرەزيدەنتى.