كورمە جۇمىسى رەسپۋبليكا سارايىندا قازان ايىنىڭ 8-ىنە دەيىن جالعاسادى.
قىلقالام شەبەرلەرى پلاستيك، مەتالل، ماتالار، رەزەڭكە جانە تاعى باسقا زاتتارعا ەكىنشى رەت ءوڭ بەرىپ، ولاردان ەرەكشە تۋىندىلار جاساپ شىعارعاندىقتان، كورمەنىڭ اتاۋى «زاتتار ءومىرى» دەپ اتالعان، دەپ حابارلايدى Almaty-akshamy.kz
Almaty.tv كانالىنىڭ حابارلاۋىنشا، ەكسپوزيسياعا ەل سۋرەتشىلەرىنىڭ سوڭعى 30 جىلداعى جۇمىستارى قويىلعان. اۆتورلار شيكىزات كوزدەرىن قولدانۋ ارقىلى جاڭا ەسەتەتيكا ىزدەيتىنىن اڭعارساق، ەكىنشى جاعىنان، ەكوجۇيەگە ەرەكشە كوزقاراسپەن قاراۋدى مەڭزەيدى. كورمەگە قويىلعان ءار تۋىندىدان ەلىمىزدىڭ تاريحي كەزەڭدەرىن ايقىن كورۋگە بولادى.
«بۇل تاۋەلسىز قازاقستاندا جاسالعان، ياعني، 30 جىلدان بەرى سالىنعان تۋىندىلار. كورمەگە 12-دەن استام سۋرەتشىلەردىڭ جۇمىستارى قويىلعان. ەكسپوزيسيادان زاتتاردىڭ اۆتورلاردىڭ شىعارماشىلىعىنا قانشالىقتى اسەر ەتەتىنىن كورۋگە بولادى»، - دەدى كورمە جەتەكشىسى ۆلاديسلاۆ سلۋدسكيي.