بالالار ادەبيەتى تىڭ شىعارمامەن تولىقتى
بۇگىن الماتىنىڭ جامبىل اتىنداعى جاسوسپىرىمدەر كىتاپحاناسىندا ۇلكەن ءىس-شارا ءوتتى. جازۋشى نۇرداۋلەت اقىشتىڭ «تاۋ ىشىندەگى تاۋقىمەت» اتتى كىتابىنىڭ تۇساۋكەسەر ءراسىمى بولدى. مۇندا نەگىزىنەن بالالارعا ارنالعان پروزالار، اڭگىمەلەر، شىتىرمان وقيعالار قامتىلعان. كەزدەسۋگە كىتاپحانا قىزمەتكەرلەرى، ۇستازدار، ستۋدەنتتەر، مەكتەپ وقۋشىلارى قاتىستى.
جيىندى قالامگەردىڭ ءوزى اشتى. وقىرمانمەن وي ءبولىستى. سونداي-اق، اباي ۋنيۆەرسيتەتىنىڭ 4 كۋرس ستۋدەنتتەرى نۇرابۇللا، ەرتاي ەسىمدى جىگىتتەر ءسوز سويلەدى. ولار ءاربىر شىعارمانىڭ ىشكى قۇرىلىمى، مازمۇنى، ءمان-ماعىناسىنا توقتالدى.
سونىمەن قاتار، كىتاپتىڭ كەسكىندەمەلىك، يلليۋستراسيالىق سۋرەتىن ونەرتانۋشى، PhD دوكتورانت ءمولدىر كەلسىنبەك جاساعان. وسى جايىندا ءوزى ەگجەي-تەگجەي بايانداپ بەردى.
وسىلايشا، شارا سۇراق-جاۋاپ فورماتىنا اۋىستى. پىكىر الماسىلدى. سۋرەتشى ەركىن نۇرازحان تاماشا ەستەلىكتەر ايتىپ، جيىندى قورىتىندىلادى.